اللهجه الحجازيه مصطلح يطلق عادة على اللهجه الحضريه لمدن مكه المكرمة، المدينة
المنورة، جدة، وينبع، والطائف القديمة في المملكة العربية السعودية ،
وتختلف عن باقي لهجات دول الخليج وهي تختلف بشكل كبير عن لهجة بادية الحجاز
وأريافها التي تصنف ضمن اللهجات البدوية.
وهي لهجة حضرية غير متكلفة وأكثر بساطة تتشابه هذه اللهجة في بعض مصطلحاتها
مع اللهجات المصرية و الشامية و اليمنية وتحديدا اللهجة الحضرمية
نظرا لتواجد جاليات كبيرة من هذه الأصول العربية إستوطنت المنطقة قديما وساهمت في
الإنماء وخصوصا السعوديين ذوي الأصول الحضرمية.
يستبدل صواتا الثاء و الذال عادة بالتاء و الدال على التوالي ، و تستمد اللهجة بعض من
مفرداتها من كلمات عربية فصحى قديمة ، وأخرى معربة ،
ويمكن القول بان باقي اللهجات العربية كان لها بعضا من التأثير على بناء اللهجة
الحجازية ولذلك لوجود مكة والمدينة ووصول افواج من الحجاج
والمعتمرين والزائرين من شتى انحاء الدول العربية والعالم، عدا عن ذلك تأثير اللغة
التركية نظراً للحكم العثماني الذي دام لأربعة قرون في المنطقة.
واللهجة الحجازية هي أقرب اللهجات العربية للفصحى حتى في مفرداتها ونغمات حروفها
و طبعاً تتميّز لهجة أهل الحجاز عن أهل نجد بالتغنّج و الدلال.
وكما لا ننسى ان اللهجة الحجازية فيها الكثير من الأمثال القيمة وان كانت اللهجة
الحجازيه القديمة التي لم يعد احد يتحدث بها كثيراً الا كبار السن ..
فانها ماتزال عالقه في السنة صغارها ولكن تغيرت قليلاً… وأجمل منطقة تتكلم بهذه
اللهجة هي اهل جدة
عندنا في الحجاز وخصوصا مكه في بعض الاسماء يعطوها كنيه او لقب
على سبيل المثال واحد اسمو عبد الله يقولو له : أبو عابد ... وهذي بعضها :
عمر : أبوسراج
حسن : أبو على
حسين : أبو هلال
ابراهيم : أبو خليل
يوسف : أبو يعقوب
عبدالله : عبادي او ابو عابد
عبدالرحمن : الوجيه
عبد الرحيم : أبو رحمه
فيصل : أبو عبدالله
عبد العزيز : عزيز أو ابوسعود
فاطمة : فتو
مريم : منّه
في الحجاز يظهر الاحترام والتربية في تقدير الصغير للكبير وعدم المرور من امامه ..
عندما يكون جالس مثلاً على الارض ..وعدم مد الرجول امام الكبير ..
وايضاً تظهر في التعامل مثل :
لما يطلب منك مثلآ سكينه ..
يقولو الله يخليك اديني سكينة في قلب العدو
لما يقلك كنت ب أكل
يقلك كنت ب أتعشى فضلة خيرك
امثال حجازية
إذا جيت رايح كتر من الفضايح
او إذا جيت رايح كتر من الملايح
حاجه ما تهمك وصي عليها جوز أمك >> خخخ عجبني هذا
ست وجاريتين على قلي بيضتين.
الكبير لما يدلع زي الخشب لما يتقلع . >> ههههههه هذه قويه مره
اللي ماله أم حاله يغم.
كنس بيتك ورشُه ما تدري مين يخشوا.
كل حبه مسوسه لها كيال أعور
الخايبه تتعلق بالحبال الدايب.
عقربه في الغار ولا ضره في الدار.
أهري وانكتي يا جاره وأنا ثابته زي العماره.
يحسدوا الفقير على موتت الجمعه
سكتنا له دخل ب****ووو
ما قدروا على ال**** تشطروا على البردعة >> خخخ علينا امثال
اذا حلقوا لغيرك بل راسك واستنى ..
****تك العرجة تغنيك عن سؤال اللئيم
حبيبك يمضغ لك الزلط .. وعدوك يعد لك الغلط
يا ماخد القرد بماله يروح المال ويبقا القرد على حالو ..
ما تعرف خيري الا لما تجرب غيري ..
دق الطاسه تجيك ألف رقاصه >> خخخخخخ
ابو زيد معروف حتي لو لابسوه خيشة
الأصيلة تنام مع جوزها على الحصيرة.
صار لشخنق بخنق ولل*** صرموجه
خشوني لا تنسوني ولعوه الشمعة وشوفوني …
عمياء تحفف لمجنونة تقولها : حواجبك سود ومقرونه ..
تحفف: تعملها حواجبها ..
يامربي ولد الناس يادق المويه في المهراس
يابخت من بكاني وبكا الناس عليا ولا من ضحكني وضحك الناس عليا ..
رضينا بالهم والهم مارضي بينا ..
اذا اتملت العدوة بطلت المروه ..
قالوا متي طلعت القصر : قالوه امس العصر ..
العروسة للعريس والجري للمتاعيس ..
اكلو الملوخية وصاروا افندية ..
سلامتك والهيل والقرنفل قمامتك ..
الحجر من الارض والدم من راسك ..
اخوانك من امك زي الدهب في كمك
واخوانك من ابوك : زي القوم لما ينهبوك ..
في كل محضر بالتوب الاخضر ..
باب المجلس يقول لباب السطوح : اللى
يجي يجي ..واللى يروح يروح ..
خطبوها اتعززت ..تركوها اتندمت ..
قلبي على ولدي انفطر ..وقلب ولدي على حجر ..
ارضى بقردك لا يجيك اقرد منه ..
من طاحت مخدته قلت مودته
مصطلحات وتعاريف حجازية
العمده .=. كبير الحاره او الحي الذي يرجع اليه اهل الحاره في شؤنهم
المركاز = المكان الذي يجتمع فيه العمده بأفراد حارته
الروشان= نافذه خشبيه كبيره تطل على الشارع ولها اشكال خارجه عن مستوا
جدار المنزل
الطاقه = الشباك , النافذه
الزقاق= الشارع الضيق
الدهليز= . مدخل البيت او السيب
الكُرته =الفستان
الكٌندره= الجزمه أكرمكم الله
النمليه .= دولاب المطبخ او ددولاب العيش
المغراف= نوع من أنواع الكاسات
بيت الماء = الحمام (دورة المياه ) اكرمكم الله
الكرويته .= دكه خسبيه .. كنبه
المركب .=المطبخ
الحليق =. السطح الخاص بأعلى
مكان في العمارة أو البيت ( السطوح )
بيت الدرج =مكان تحت الدرج يستعمل كمخزن للأرزاق ( المواد الغذائيه ) >> بيت المونه او السقيفه عند اهل الشام
السحاره .= صندوق كبير من الحديد واحيانا من الخشب توضع فيها الملابس
التعميره .= الشيشه >> الارجيله
الشربوش= غطاء الشيشه
القنعه= العباءة
البيشه =. الطرحه او الغطوة
الصفه= غرفة المعيشه
الجلاله .= المفرشة
الصندقه= الحظيره
البسكليته= الدراجه
الشماعه = علاقة الملابس
الكوفيه=الطاقيه
العِمه= العمامه
المِمَلك=. المأذون الشرعي
الدّبش= جهاز العروسة وعفشها
القابلة= التي تقوم بتوليد النساء : أي الممرضه او الحكيمه
البُقشه = سره من القماش توضع بها الملابس
فرقنا=. البائع المتجول يحمل البقشة على كتفه وينادي فرقنا ( يحمل ملابس ،
أقمشة، ا**سوار ، ... الخ ) >> هذا قديمآ حاليآ اختفت ظاهرة البائع المتجول
الأنيسه= الباص الصغير الذي كان يستخدم لنقل الناس من مكان لآخر ( خط البلدة)
البيزان= او البزان مكان توزيع المياه .. عن طريق السقاء
المرقعة = الدلع والمياعه في الكلام والتصرف
اللغوصة= نقل الكلام وتسبيب المشاكل
الدحلسة = تتمصلح مع واحد عشان تبغى منه شي تقول يدلحس .
الحرمصة =هو عدم الاستقرار النفسي أو انتظار الشيء على أحر من الجمر
مثال ( واحد متحرمص على نتيجته) او الحركة الزايدة
المَرمشه= نهش ما على العظام من اللحم، أو نهش ما على أي شيء من أي شيء
الصمرقع = الازعاج يعني لمن نقول جَبْلِي"جاب لي" الصمرقع يعني جبلي الازعاج الجنان والتوتر
العكننه = التنكيد على شخص معين،
الزفه = عبرة عن تنكتين ( إناء كبير ) يحمل فيه الماء بعصاه تسمى البومبة ..
الخراطه = التنوره >> اول مره اسمع بيها
السحاب=السسته مثلآ سحاب التنوره مقطوع
الدقديق =البطانيه >> كمان اول مره اعرفها
الحنية = مخزن في درج المنزل لحفظ بعض اغراض البيت
السموار=لغلي الماء المخصص للشاي
البزوره =الاولاد الصغار
ستي = ام امي ( جدتي )
سيدي= جدي وتقال ايضآ للاخ الكبير
ستيته= الاخت الكبيره
الدادا= مربية الاطفال
دندرمة= ايس كريم
دحديرة = نزلة او منحدر
لا تتحير= لا تتأخر
أستعوقتك = تأخرت علي
هججوني= ازعجوني
قوام .= بسرعه او حالاً
تتكصوع .=. تتمايل في مشيتها وتطيح
حسكل .= كيس من الجلد يستخدم لحفظ النقود
مَدَارِيْه= مراجيح ... (ملاهي )
أتدلك .=أتروش , استحم
أكد شعري =أمشط شعري
ازهمي =نادي عليه
مهندز = مهندس
حكيم = دكتور
اندر بره=. اخرج
مِدَهْمَلْ= مبهذل
زنبيل = كيس
وسادة =مخدة
زلطة .=سَلطة بعد التعديل
جُغمة= شربة ماء أو شطفة من الشراب
لُقمة= قطعة صغيرة من الطعام
معلقة= ملعقة > كانوا زمان يقلبو الحروف
يدعك= يغسل و يفرك
مجغجغ= مليان مويه
الدردبه =. الدحرجه
زقلُه .= رماه او القاه بعيد
على طبطابي =. يعني على مزاجي او على كيفي
مِرَسْتَكَه . متأنتكه يعني مرة شياكة .. ومرتبّة
مرحبمبك = مرحبا بك .. بلهجة اهل الغربيه
باطِرمَة =جلسة عربيه بس مرتفعه شويه عن الارض ( مجلس عربي )
ادّحدرت من الدّحديرة=اتزحلقت من النزلة
ندرت عينك من حُقّها= خرجت عينك من محلها
شَلْمَه= يعني فجعه .. يعني مثلاً تقول ( اشبك ياواد مشلوم كده عالاكل ؟؟ ) ..
قيّسْتَك = يعني حسّبتك .... توقعتك .... هقيتك ........ ظننتك مثلآ : ( قيستك ياواد حتزل على عمتك فتّو )
بُخْنُق =اللي يتلبس في الراس ويكون مخيّط على قده ( لبس للبنات يغطى به
الشعر ويظهر الوجه فقط )
ومعظم هذه المصطلحات اندثرت لا يعرفها الا الاباء والاجداد
وهذه بعض المصطلحات المتداوله حاليآ :
دحين ...... الآن وأصلها الجمع بين كلمتين " ذا " و " الحين " فالأصل أن معنى دحين هو: ذا الحين
هادا ....... هذا وأصلها هذا
ايش ..... ماذا ؟ وأصل هذه اللفظة الجمع بين لفظتين " أي " و " شيء " وهذا جمع تعرفه العرب من قديم.
احنا ..... نحن وأصلها نحن إلا أنه طرأ عليها التحريف
هُمّا ..... هم وأصلها هم وقد طرأ عليها التحريف
هادولا ..... هؤلاء وأصلها الجمع بين " ها " و " دولا " ودولا حرفت من أصلها الذي هو "ذا" وذلك ظناً من الناس مع مرور الزمن
جواز جمع "ذا" ليقال: "ذو" واللام والألف في "لا" زائدة وأصلها من التحريفات.
كمان .... اصل هذا اللفض من الكلمتين " كما " و " إن " ليكون اصلها كماإن وازيلت الهمزة بسبب سرعة نطق الناس بها.
إِشبك ..... ماذا بك ؟ وأصلها الجمع بين " أي " و " شيء " و " بك " ليكون أصلها : أي شيء بك.
ياواد ....... يا ولد وأصلها يا ولد وحذف اللام كان بسبب سرعة نطق الناس لها.
اندر ...... أخرج , لعل أصلها غير عربي.
عشان ... لانه , لعلها غير عربية، وقد تكون عربية
ازهم ...... انادي و تستخدم كمثال في جملة يا فلان ازهم علان, لايعرف لها اصل.
ابغى ...... اريد وهي كلمة ايضا عربية صُرفت حيث وردت أكثر من مره في القرآن الكريم.
اسوّيِ .... افعل او اعمل - الاصل في العربية تسويه الشئ أى جعله سويا و يقصد بها فعل شئ معين
دافور...... معناها زمان في الحجاز الفرن او موقد النار ولكن حاليآ صار معناها البنت او الولد الشاطرة في الدراسة نقول عنها دافوره
هبقة ........... زمان اعتقد كان معناها سرقة لكن حاليآ اتغير المعنى فلمن تقول مثلا والله هبقت انا والشباب ورحنا الكباين
فكها ..... يعني افرد وجهك او ابتسم >> لمن الواحد تكون اخلاقو زفت ومررره طين .. تقولو ياشيخ خلاص فوكها ..
كوووووول ............. وتنقال على أي شي يعجبهم او الانسان المتحضر يقولو مره كووول .
فله ........... قمة الوناسه مثلا يلا نروح المكان الفلاني ونفلها يعني نلعب وننبسط بدون قيود ولا قوانين
نص كم ..... حركات لف ودوران : مثلا قول ايش عندك بلا حركات نص كم
روق ........ ريّح ،، يعني روق أعصابك وفي ناس كثير يقولو روق المنقا والمنقا هيا المانجو بس بالحجازي والقصد انو تروق دماغك !
دغري ....... على طول او واضح مثلآ كقول انا انسان دغري ما احب اللف والدوران او مثلآ امشي دغري تحصل إشاره على يمينك
استنى ....... انتظر ومنها تجي تصريفاتها مستني وبأستنى
دوبي ...... معناها لساعي ،، او حالآ او في هذا الوقت مثلاً : دوبي رجعت من السوق يعني في هذا الوقت رجعت من السوق او دوبي خلصت شغلي
لسّه , لسّع ..... الى الآن ممم بمعنى ماساويت هادا الشي لسع !
ابغى .... أريد وممكن تختصروتصير بدل ابغى ابا مو ابي اللي يقولوها النجديين .. شلنا حرف الغاء لانو ثقيل ع اللسان
امكن , بلكن ...... يمكن
طرطوش , طرطور ....... معناها درويش او مابيعرف يتصرف !
مخمّج , معفّن ........ معفن وطلعت ريحتو !
خنفشاري .......... معناها شي رهيب وحلو وغريب ..
مفصعنه .......... متفشخرة و مدلعة بزيااده فممكن تجي قوية المهم صفة مو حلوة ،
ادّيني .......... ناولني أو اعطيني
ودّيني .............. يعني وصّلني ومنها تجي تصرفيات ودّاكي
اتلحلح ، فزّ ، اتزحزح ، حِل .......... كلّها مقاربة لـ أتحرّك أو قوم !
هرجه .......... موضوع نهرج ونتكلم فيه بمعنى " سالفة "
خُــش ........ ادخل
وش ......... وجه : " زي مابقولوها أهل مصر "
اتشعبط ....... اتسلق
إلين ، علين ..... الى ان
لو تنطنط , لو تسير عشره , لو وقفت على
يدك ....... يعني من سابع المستحيلات
ست هانم ....... باللبناني خانو هيا كلمة توبيخ زي لمن نقول ليش ما حليتي الواجب يا ست هانم !!
مصرفدة ........... مستعجلة
فركِـش .... كنسل او الغى ، زي لما نقول خلص اتفركش الموضوع يعني اتكنسل وضاع !
مكركبه ، مقربعة ....... يعني معفوسه ومو مرتبه
انفلق ..... انقسم نصفيين اي بمعنى انقلع أو طير
فينك ........ اين انت ؟؟
امصع إدنك ...... كلمة تهزيء .. يعني اجر إدنك
أمزع رقبتك .... اقطع رقبتك
وَيْ ، وَهْ ........ تعجّب ، وَه يَـنداااااامة !!!
وخّر ....... ابعِد
يتتريق ....... يستهزء
دِفِـش ....... يعني عِفِش وعكـس ناعم
سييب , سيبو ..... اتركه
عبال . عبالو ...... في ذالك الوقت .. مثلاً اقول عبال ما تخدلك دش اكون سويت الغدا
سكّر أو سكّ .......... أُغلق مثلا سكّر الباب وراك
بطران .......... مريش او غني مثلًا هادا فلوسو كتيرة وبطران !
بكّاش ...... نصّاب أو كذّاب
يحقّلّو ...... يحقّ له
حوسَـة ...... غير مرتبه
مُشعتر ......مخربط و ملخبط
مدبّـك او مدبق و مرات تجي ملكلك ..... بمعنى مدبئ عند الشّـوام
تلّيك ، صندل .......... المداس أو الشبشب
لطشة ......... يلطشُ لطشاً تلطيشاً ضربه من الضرب
اتلبخت .......... انشغلت أو أتلخبطت
انعجقت ، أنعزقت .... ممم تقريباً زي
حُست ،، مثلاً ماحأقدر أخرج اليوم عشاني معجوقة من كلمة العجأ زي اللبنانيين
لكن انعزقت شوية غير وتجي أقرب على معنى " انحشكت أو انزنقت "
ملاية ........ الشرشف
أتروّش ....... أستحمّ أو أتحمّم اتسبح بلهجت اهل والرياض ونجد
اتلحّف ........ اتغطى باللحاف أو البطّانية
أدّيلو علقة أو افرشة ........ يعني أضربو وعاقبه
برمان ....... دوران !
أسنسير ......... مصعد
بالشقلوب ........ بالمقلوب
مشي حالك ........... كلمة تنقال كتير خصوصاً لما نشوف واحد متضايق أو زعلان فنقولّو مشي حالك الدنيا رح تمشي ^ ^
يابو الشّـباب ....... مالَها معنى لكنها كلمة تنقال كتير ، مثلاً خلااااص يابو الشباب
في قلب العدو ........... لما تيجي سيرة شي مو كويس
برة و بعيد .......... شبيهة بـ " بعيد الشر عنك "
خِف ...... استعجل ، زي خِفي يدّك يعني استعجلي في الكتابة
تنّحت ........... سرّحت
كونديشن ........ مكيّف
فارقي ......... انقلعي بقوه ، اغربي عن وجهي بالفصحى
فُـكّينا ...... خلصينا
رجّة ........ضجيج
دَعَس ...... داس على الشيء
زيّ الكرتون ...... تنقال للشخص الأهبل والي بدن شخصيه
شاكوش .......... معناها الأصلي طبعاً المطرقة ، لكن حالياً صاروا يقولوها للشخص
المو حلو ، قبيح الشكل ذميم الخلقه
جيّــــــد ........... بتمديد الياء مع تشديدها ، لما تُعجب في شي
قويّـــة ............ بتشديد الياء ، ماله معنى محدد لكنه لفظ دارج ..
هيّــا خير ......... مشابهة لكلمة " الله المستعان "
نمرة و استمارة....... دايما تجي مع كلمة غبي أو أهبل ، مثلا هادا الولد أهبل بنمرة و استمارة !!
لا تدُف ..... شوية شوية ،، مثلاً لما يكون الواحد متحمّس في الهرجة أو معصّب وقاعد يأشّر بيده من التفاعل فتقولّو طب لا تدف !!
إلا : من صيغ المبالغة ، مثلا زي لما أقول انا مو بس نعسانة أنا إلا نعسانة !
مطحْطَح ، واصِل ......... يعني مررررة واااااااااصِل وملياااان فلوس
يتلسلس .......... يتباطأ في المشي زي الحرامي
جاعوره ........البكاء بصوت عالي ومزعج مثلآ تقول : ايشبو هذا صوتو جِعر ؟؟
اديلو ..... اعطيه
تقاليد واعراف قديمة
الخطبه
اذا كبر الولد وصارر جال يعتمد عليه على طول اهله يدورون له على عروسه
وحتى البنات متى ماكبرت وصارت ست بيت زوجوها حتى لو عمرها صغير
الام من بنتها صغيره ،
وهي تربيها على تحمل المسؤوليه وعلى شغل المطبخ والاحترام والتقدير للكبير والصغير
يبتدو اهل الولد يدورو على عروسه من الاقارب والاصحاب واذا عجبتهم وحده يتفق الاب مع العمده مثلا ...
احيانا العريس مايدري انهم قاعدين يخططون يزوجونه ...
وحتى لو درى مايقدر يرفض طبعا بيوافق وهو راضي ..كان عيب حد يرفض او يعارض كلام ابوه
ويرحوا جماعة العريس هم والعمده ( العريفه ) عند اهل البنت واذا حصل نصيب
واتفقوا يجتمع العريس ووالده واقاربه وابو العروسه واقاربها والعمده
وينزلون الحرم اذا كانوا من اهل مكه او المدينه يملكون ويشربون زمزم بنية التوفيق ..
ويرجعون للبيت يسوون لهم عشاء بسيط ..
اما اذا كانت الملكه في البيت يوزعون شربيت وحلاوى لوزيه وعسليه ولدو
اوشريك او تلبينه قبل العشا ولا يخفاكم حركات وتباتيك اهل الغربيه
في تزيين حلاوة الملكه بشرايط والدانتيل واكياس جذابه .. وكل واحد على قده ..
الدّبش
كان التقليد المتبع في الماضي أن يذهب والد العروس وأهلها لمشاهدة المنزل الذي يسكن فيه العروسان،
ولعل من بين أغراض الزيارة التي يقوم بها والد العروس وأهلها لبيت الزوجية هو التعرف على ما يحتاجه المسكن من أثاث ،
وقد كان يطلق على الأثاث مسمى (الدّبش) بشد الدال، وفتح الباء .
وقد كانت عملية إرساله من بيت أهل العروس الى بيت الزوجية
تشكل مهرجان فرح جميل ورائع يؤكد حلاوة الأفراح في تلك الأيام الخوالي،
فلقد كان يؤتى بمجموعة كبيرة من الحمالين، يضعون على رأس كل حامل قطعة من قطع الأثاث.
فللحاف حامل، ولكوز الماء حامل، وكذلك للمسند والمخدة، وتبسي الأكل والصحون وكاسات الشاي والمفرش والفانوس والإتريك.
فلكل قطعة من هذا (الدبش) حامل، ويعبر هذا الموكب دروب الحارات وشوارعها
مشياً على الأقدام في مظهر جميل تصحبه الأهازيج الجميلة وملاحقات الصغار.
حاليآ صار الدبش يتغلف ويلف بالدنتيل والشرايط >> حتى ممكن انهم يودوه احد
المحلات تغلفه مثل نكتار او زهور الريف او بودي شوب >> هذه الناس الي مره فاضيه و تحب الفشخه والمظاهر
ويكون مرتب في شناط وصناديق ...ويكون ارزاق ( مونة الطعام وادوات المطبخ )
واشياء خاصه للعروس من ملابس وعطور واحذيه وكل ما تحتاجه ..
وتاخذه امها و اختها الكبير وعماتها وخالاتها مثلا الحريم الكبار بس ، يعني من خمس الى عشر حريم ...
ويكون في استقبالها في بيت العروس اهل العريس زي امه واخواته وعماته وخالاته
ويستقبلهم بالترحيب والحفاوه وتقدم لهم الضيافه ثم يقومو بترتيب اغراض العروس
في جميع المنزل واماكنها الخاصه وطبعا مايرجعو الا لما تعشيهم ام العريس
وتضيفهم احسن ضيافه وتودعهم بالبخور والعطور.
قطع الستاره
قبل الفرح بسبعه ايام كانوا اهل العروسه يجلسونها ورى ستاره مستاجرينها
مزينه بالترتر والدانتيل والخيوط المقصبه ..
و اصل فكرتها ان البنت تشتغل اشغال كثيره فى البيت فيومها اهلها راح
يريحونها من الشغل ووالخروج من البيت حيث انها تستقر
فى الستاره لاستراخاء وويطلع لها طله وقتها قبل وقت الزواج باسبوع
حيت تتميز بلبس جلابيه مطرزه ومشغل بالحرير
طبعا يقعدون يركضون ورى العروسه في البيت لحد مايمسكونها ويحطونها ورى الستاره ( خخخخخ عليهم حركات زمان ) ... طبعا زي ماقلت
فيها طراحه ومخدات وشراشف مطرزه يعني تنظيم معتب ...
وخلال هذي السبعه الايام يعقدون اهلها يأكلو فيها لين تتورد خدودها
اكل طالع واكل نازل ..طبعا اهلها وصحباتها وجماعتها كلهم مجتمعين وكلهم يشتغلون ...
اللي تطبخ واللي تكوي الملابس وترصها في الشناط قبل يودوا الدبش ( العفش ) ومنهم اللي مخصصه للعروسه ...
تهتم في تصفية بشرتها بموية ورد ونشاء ..وحلاوة للجسم كله غير الحمامات المغربيه والمشقره ( والله زمان ) المهم يخلونها تتلامع تبرق ...
ولا تبان ابدا لاي احد علشان تطلع بطلعه يوم النصه واول مايشوفها عريسها ...
في هذه الايام الخيرات تنزل على اهلها من ذبايح وارزاق والطباخ يطبخ والناس تاكل وفرحانه ومبسوطه ...
وفي الاخير يعملوا حفله لقطع الستاره اما فطور او عشاء ، الفطور يفطرو
عند ام العروسه اكلات شعبيه منها العصيده , الخبز بالعسل والسمن البلدى ,
والفته , مشروب لازم يعملونه اما فى الصباح او العصر اسمه ملوز وهو عباره عن حليب, ماء ورد ,هيل ’ نشاء , رز المهلبيه
ويوزعوا على المعازيم بعض الهدايا تكون عباره عن حناء وعطر عود وحلويات
وهديا
ويجلسوا الحريم خارج ستارة العروسه ويغنوا عندها بالدف دون ان يدخلون
اما البنات يكون داخل الستاره مع العروسه
الزمه
هذا عاده قديمه لكن غير موجوده ..اصلها كانوا البنات يستحون مره لدرجة البنت لوعرفت انها راح تتزوج تهرب ..
فكان الاب والام يتفقوا على لزمة البنت فى وقت معين هى حركه يجبوا الطرحه او شرشف ويرموا عليها كانهم يمسونها
وهى تفهم انها الزمت لزوج
ليلة الغمره
تعتبر من الايام السبعه التابعه لقطع الستاره بس في نهايتها
بعد تزغيد العروس وشغل تلميع الجسم ..يتجمعوا الاهل والاحباب ...
ويجيبوا نقاشه تحني العروسه وكل اللي يبغى من الحاضرات طبعا كله على حساب ام العروسه المسكينه ...
( طبعا من خاطرها محد جابرها تدفع عشان فرحها ببنتها )
تكون العروسه لابسه ثوب يقاله ثوب الغمره وهو من غمر العروسه بالذهب والثياب حتى لا يبان منها شئ ...منه بنجابي ومنه خليجي ..
ويكون واسع فضفاض ويغطي راسها بطرحه ووجهها ببرقع علشان زي ماقلنا تطلع لعريسها بطلعه ...
وتلبس لها محل ذهب >> صيغة مبالغه يعني من كثر الذهب الي تلبسه...
طبعا اللي مايقدر ممكن يستاجر او زمان كانوا يسلفوا بعض ... ويعملوا لها زفه
ومعها بنات صغار يلبسوا مثلها ومعهاهم مرش ومبخره وسيوف وعلم بلادي
عشا الغمره يسمونه التعتيمه ( شريك ونواشف >> جبنه حلاوة طحينيه زيتون .....)
و طبعا رقص واغاني ودبك الين 12 مو زي دحين ياذن الفجر والفرح ماخلص
اما في الحاضر فى ناس يعملوا الغمره فى البيت والبعض الاخر يعملوها
فى وقت الدخله يوم الفرح فى قاعة الحفل تنزف بالغمره فى المغرب
و تلبس العروسه بنجابي او ساري هندي وتلبس الذهب الي اشترته من المهر
واخر السهره تلبس الفستان الابيض >> على حسب مو كل الناس يسوها
تعليق الرايه
طبعا هذي خاصه بالعريس ...ويمكن مشهوره في المدينه اكثر ...
قبل الفرح بيوم تعلق ام العريس رايه ( علم ) اخضر فوق الباب او على سطح البيت
اعلان عن ان فرح ولدها بكره ...عاد يتجمعون اقاربها وجماعتها ويسهرو
ويتعشو ويغنو ويرقصو وينامو عندها من بكره يقوموا يساعدوها
تحضيرات الزواج
طبعا كل اهل الحاره يد وحده الي يساعد بالمكان واللي يساعد بنصة الشاهي والقهوه
واللي بالفرش واللي يمد العقود واللي يرش المويه في المسارب والطرق ..
واللي يعطي ابو العريس مفتاح السطح واللي يقوله البرحه الفلانيه لكم الليله
سووا فيها مابدالكم واللي يعطيه الحوش يطبخ فيه وإلا يحط فيه الارفاد ..
واللي يثبت التبازير على الجدران ...
يعني الكل شغال مافيه احد يتخلى ابدا عن هاليوم وممكن يستمر ثلاثه ايام ..
طبعا اهل الحاره مايبغالهم عزيمه ...بس الناس اللي بعيدين او في الحواري الثانيه ممكن يرسلون لهم كرت
يجيبون ورقه ويخلو احسن واحد خطه حلو يكتب الدعوه >> سقى الله يازمن
اذكر اشياء بسيطه من زواج اخويا الكبير قبل تقريبآ 14 او 15 سنه تقريبا
كنت لسه في الابتدائي نفس العادات مره حلوه ايام زمان
طبعا ماننسى نصة الشاهي والقهوه اهم شئ يكون القهوجي جاي من العصر
ومظبط البراريد والفناجيل ومستعد والطباخ يجيب قدوره وحطبه من الصبح
ويبتدي في الطبخ اذا كان برد يكون العشا سليق او عربي ..
واذا كان عادي زربيان او كابلي وطرمبه ( بلح الشام ) وسمبوسه
ولا ننسى برضو حركات اهل العريس ... يجيبوا صندوق مصحف صغير ويغلفوه
ويحطوا المهر فيه .. قال ايش علشان ابو العروسه مايحس انه قاعد يشحت او انه يبيع بنته ( تكتكه )
دحين الصناديق وعلب المهر وعربية الملكه اشكال وانواع ومن عشرة ريال الى 10000 ريال
غير الملبس والهدايا اللي على كل شكل وصار اغلبها متكلف فيها ...
( بس والله حركاتنا مره حلوه )
المهم نرجع لسابقآ ، يجبوا الجسيس عاد ويبتدى في المواويل والمجسات والموشحات ...
وتعالوا شوفوا الناس كيف فرحانه وطربانه ..والحريم يغطرفو >> يزغرطوو< زغرووطة
.................................................. ...............................................
.................................................. .............................
.................................................. ................
..................................................
.......................................
.............................