في يوم من الأيام اشتهيت قهوة مع حبيب القلب التويكس وقلت بدال مااشتريه ودي اجرب واسويه والحمد لله طلع لذيذ و طعمه والله ماتفرقينه عن الجاهز ويمكن أحسن جربوه واحكوا ... أول شي انا أسوي التوفي واحتفظ فيه بالثلاجة .. أجيب نستله حبتين او ثلاث واحطها في قدر الكاتم واغطيها بالماء واحطها على النار لمدة ساعة ونصف تقريبا واتركه يبرد وافتحه واحطه في علبه وادخله الثلاجة واستعمله وقت الحاجة وطعمه احسن من الجاهز وهذا شكله .. وهذي طريقة التوفي اجيب النستلة او لونا او ابو قوس المتوفر واحطه بقدر الكاتم واغطيه بالماء واحسن تحطين علبتين عشان مرة واحدة وتسكرين القدر وتولعين النار وإذا بدء يطبخ قصري النار واتركيه ساعة ونصف طريقة البسكويت استعملي اي عجينة بيتي فور تظبط معاك وهذي طريقتي اصبع زبدة - ربع كأس سكر - كأس دقيق وشوي - بيضة - فانيلا اخفقي الزبدة والسكر ثم البيضة والفانيلا وآخر شي الدقيق وتكون عجينة ملساء ولينة نبدأ نفردها في القوالب واحسن تكون متوسطة السمك تقريبا زي بسكويت التويكس ولو كان ماعندك قوالب شكليها على شكل مستطيل او مربع اللي يعجبك .. وهذي باقي العجينة خليتها كور ودخليها الفرن واهم شي تكون النار متوسطة والفرن حار وما تطول وخليها تشقر بسيط عشان ماتيبس
وكذا بعد الفرن نأخذ شريحة من البسكويت وتغطيها بالتوفي وكثري شوي عشان يكون طعمها أحسن .. وندخلها الفريزر نص ساعة عشان التوفي يجمد نذوب شوكولاتة خام في المايكرويف وندهن البسكويت من فوق وعلى الجوانب وهذي صورة الشوكولاتة اللي على اليمين أخذتها من ايكيا واليسار في كل مكان واسعارها تقريبا بالعشرة بس دايم عليها تخفيض واضف منها أحس نوع الشوكولاته هذي احسن وأطعم من حقت العطير.. ندخلها الثلاجة تبرد ونغلفها بالسولوفان ولو كان شفاف احسن ..