|
قريت الشوق ف اعيونك وفي ونّـة تراتيلـك
أثاري الحبّ يا عمري توسّد وسط أوصالـك!
|
|
هقيتك مـا تعبّرنـي ولا تكشـف تفاصيلـك
ولكنّ الهوى جبّـار وطيبـه عطّـر أقوالـك
|
|
تلاقيني بدمع الشوق اذا مـا جيـت ببكيلـك
وامد يمنى ومن خوفك تصافحني بها اشمالك !
|
|
حروف القاف لا شافتك مـن فرحـه تغنّيلـك
تهلّي بك وتنشد عنك يا قلبي: وش احوالـك؟
|
|
عساك ادّوم بوصالـي ولا تقطـع مراسيلـك
ولو دهري يطاوعني أقضّي عمـري اقبالـك
|
|
على همس الهوى والشوق راح اضوي قناديلك
واخلّي الوقت بالأفراح والبسمات يصفـا لـك
|
|
مع النجمات والدلّـه أبسهـر فـي تعاليلـك
أناظر وجهك البدري وخمر الشـوق فنجالـك
|
|
تعال اقرب هنا عنـدي وسمّعنـي مواويلـك
وخلّ الحلم يسرح بي ويمسي بجنـة اظلالـك
|
|
انا ادري العين ما تشبع تناظر فـي تهاويلـك
ولا القيفان لا هلّـت تفـارق مفـرق اقذالـك
|
|
فديتك لا تجافينـي ولـو تهجـر أبـا افيلـك
ودمعي لا تظنّه يـوم يـودّعْ طلّـة اطْلالـك
|