|
عيونك يا بعد عمـري هـلاك
جمال الكون رشفه من سواقيها
|
|
تلومونـا إذا قلـنـا مــلاك
حلاوه في بشرنا مـا نلاقيهـا
|
|
حسدت الشمس يوم انها تـراك
تصبّح ذا الحلا من راس عاليها
|
|
يليت الروح نجمه في سمـاك
يشعّ الشوق ومضه من محانيها
|
|
أبي قربك وأحلـم فـي لقـاك
وروحي لا شكت خفقك يداويها
|
|
تقول:اقرب!ولا تبعـد هنـاك
وحقق بالوصل أحلى أمانيهـا
|
|
تطير الروح يا قلبـي معـاك
وتفضح شوقها نغمـة أغانيهـا
|
|
قوية عزمِ لكـن فـي جفـاك
يجيب الخوف عاليها لواطيهـا
|
|
إذا قلبـي تعنّـى لـك وجـاك
ودقّ الباب في ظلمـة لياليهـا
|
|
رجيتك لا تردّه عـن هـواك
عَطَهْ لحظه! ولو شحّت ثوانيها
|
|
متى اروي شفاتي مـن شفـاك
واذوق الشهد يقطر من مثانيها؟
|
|
واخلّي العين تسرح في حـلاك
واشمّ الورد يزهر في مغانيها؟
|
|
عشقتك إنت..ما أبغى سـواك
وعِفت البِيض ما هَمْنى غوانيها
|
|
إذا نلتك تـرى الدنيـا فـداك
كفايه شوفتك.. عنّـي تكفّيهـا
|