|
أشتاق لك واحلم بيومن ألاقيـك
نمشي على درب المحبّه سُويّـه
|
|
وتذوب كفي يالغلا فـي أياديـك
وتبات عيني من عيونك رُويّـه
|
|
ياليتني أسهـر بليلـه أناغيـك
واقطف ورودي من خدودن نديه
|
|
مهما تزعّلني أصبر واراضيـك
واعطيك عمري يا حبيبي هديّـه
|
|
والعشق دومن قِبلته في اراضيك
وان طار طيره راح يرجع هنيّه
|
|
لا ترخصي قلبن مع البعد يغليك
خفقه شفاقـه والمشاعـر وفيّـه
|
|
قضّى حياته في غرامه يناديـك
والشوق زاده بكرتـه والعشيـه
|
|
أسرح بطيفك واصحى واحاكيك
والنفس ما هي من همومي خليه
|
|
يكفي جفا للّي يـودّك ويرجيـك
لا تجمع الجفوه والليالـي عليّـه
|
|
آمِرْ ! تِدّلـلْ! هالقوافـي تلبّيـك
كل القصايد في جمالـك شويـه
|
|
قلبي على كل الأحوال يطريـك
يشكي حظوظن في الصبابه رديّه
|