يا مدير إدارة المرور.. اسمحلى أسألك سؤال.. بس يا ريت بكل صراحة وشفافية.. جاوب على سؤالى.. ليه وسيلة التوك توك ضاربة عرض الحائط بقانون المرور تملى.. دايماً ماشى فى الممنوع والمحظور.. وفى شوارع الأحياء الشعبية ما هو مخلى.. يا ريت إدارة المرور ترخّص للتوك توك.. وتنظم حركة سيره.. واللى يقوده.. يكون شاب ناضج.. معلوم لإدارة المرور.. حُسن سيره.. يكون شاب بالغ عاقل خلّص تعليمه.. ومش لاقى عمل غيره.. عارف قواعد المرور.. لا يظلم.. ولا يجور.. إن أخطأ يتم عقابه أو تحذيره.. دا مجرد رأى.. من وجهة نظرى.. يمكن تكون نصيحة طيبة ومليحة.. هدفى المشاركة فى تنظيم حركة المرور فى بلدى.. بكلمات بسيطة وصريحة.. ونساهم فى القضاء على البطالة.. والتوك توك يبقى وسيلة.. آمنة ومريحة.
مدير عام سابق