الصداقه شيء ثمين لا يجده الكثيرين في هذه الحياهـ
ومن يلتقي بالصديق الصادق .. فـ هنيئاً له بهذه الصداقه ..
كلمات اعتبرها توجيه لي اولاً ولكل من يحتاج لها .. واتمنى ان تحوز رضاكم
/
\
ياصعب ماتلقى بهالدنيا رفيق
..............لاشاف زلاّتك يدوّر عذرها
بعض الوجيه بشوفها همٍ وضيق
.............الله يقطعها ويقطع بذرها
تاطى على قلبك وتشعل به حريق
...........وتنوي لك السيه وتاخذ حذرها
ماتنتخي لو كنت تنخاها غريق
...........وان مدّت السنها يغيضك هذرها
عينٍ بكت ولنومها عيّت تطيق
.........من شوف هالاجناس قلت : ابعذرها
الشجره اللي ماتحلّي طعم ريق
.........ودّك تجي وتقصّها من جذرها
تظهر لك المكنون في نصف الطريق
.........مادامت الازوال تجحد نذرها
وماعاد في دنياك تلقى لك رفيق
..........لاشاف زلاّتك يدوّر عذرها