بسم الله
بسم الله ومحدش غير الله ينفعنا
لما مشينا ف سكة غيره توهنا وضيعنا
لما بنشكى لغير الله بتزيد أوجاعنا
جرب تشكى لرب الناس.. مين غير رب الناس يسمعنا
جرب وانت بتسجد تبكى .. جرب يبقى لدمعك معنى
.............................................................
ابكى وحس بطعم الطاعه .. واغلب جوه النفس شيطانها
ما تخليش الدنيا تغرك .. واهرب من ويلها وأحزانها
خللى كلام الله جواك .. يغلب جوه الروح حرمانها
روحك مش مخلوقه عشان .. تبعد عن دينها واحسانها
............................................................
عود نفسك ع الإحسان .. خللى ف قلبك نبض إيمان
إرجع عن ذنبك واستغفر .. ابعد عن ذل العصيان
ما تأخرش التوبة لبكره .. عمر العمر ما كان له ضمان
وافتكر ان االدنيا زوال .. وما دايم غير الرحمن