نظرت سعاد الى امها بكل دهشه واستغراب
امي ايش فيك ياغاليه ليه تبكين..؟؟
حاولت الام جاهده اخفاء وجهها عن سعاد....اقتربت سعاد من امها فنظرت اليها
فاذا بوجه امها متورم من الضربات وبه كدمات زرقاء لخفت معالم وجه امها الجميل
امي ايش فيك.......من الي قام بظربك..... اخبريني!!
لم ترد الام على سعاد.....
الا بكلمات قليله وهي
مافيه شيء انا بس طحت على الارض..
سعاد: لا يامي هذه مو علامات طيحه انا مو صغيره يامي على هذه الامور
اخذت الام صامته وسعاد تلح عليها باسئلتها ولكن دون اي فائده ترجى
خرجت سعاد الى عمها....
سعاد: عمي ايش فيها الوالده جالسه تبكي؟ومين ضاربها.....
العم: ايش عمي هذي انا مو كم مره قايل لكي تقولين لي ابوي؟؟
سعاد: بس انت تعرف ياعمي ان ابوي متوفي......
العم: بس انا بمقام ابوكي والا ايش كفايه اني اخوه...
سعاد: اسفه ياعمي بس لساني مايقوى على نطق الكلمه لانها تذكرني بالوالد ( رحمه الله)
سعاد تحادث نفسها( يبغاني اقوله ابوي والله لو تنطبق السماء على الارض ماقلت له ابوي هو فين وابوي فين)
سعاد: عمي مو هذا موضوعنا انا ابغى اعرف الوالده شو فيها.....
العم: مافيها شي هذا بس دلع حريم
سعاد : دلع حريم وهو فيها كل هذي الكدمات وجالسه تبكي من الآلم!!
ارجوك عمي خبرني شو السبب!!
العم :ليه هي مافاتحتكي بالموضوع؟
سعاد: اي موضوع!!
وياتي فهد في هذه اللحظه ويقطع على سعاد وعمها حديثهما.......
فهد: سعاد امي تريدك في المطبخ.....
سعاد : طيب جايه الحين.......
العم: روحي ياسعوده الى امك يمكن تقولك الخبر الي يفرح القلب وهاه لاتنسينا من دعواتك
سعاد في نفسها (ومن متى تطلع منك الاخبار الي تفرح القلب...الله يستر)
ذهبت سعاد الى امها مسرعه
سعاد: نعم يامي خير انشاء الله..
الام : خير باذن الله......
لقد اتيتي ياسعاد وانتي عندك موضوع تريدين قوله لي..
سعاد لا يامي لاعليك ليس هُناك شيء.....لقد اخبرني عمي ان عندك خبر سار تريدين قوله لي...؟؟؟
الام: لا ليس هُناك اي خبر... ان عمك رجل كبير وصار يهذي.....
سعاد: ولكن يامي....
الام مقاطعه لاشيء هُناك.....
سعاد: ولما كل هذه الكدمات التي على وجهك اهو عمي ظربك
الام: انتي تعرفين عمك واسلوبه انه عصبي المزاج ويمد يده الى اتفه الاسباب..
سعاد: ياليت ايده انكسرت قبل مايمدها عليك
الام: لاتدعي ياسعاد فهو عمك اخو ابوك لقد تكلت امري الى الله فحسبي الله ونعم الوكيل...
ولكن هُناك طلب اود قوله لكِ ياسعاد
سعاد: تفظلي يااغلى انسانه على قلبي اطلبي وادللي طلباتك اوامر ياعسل
الام: الان موعد حظور خالد وهند ارجوك لاتخبري خالد بالامر فهو يرهق في العمل ثم يذهب ليحظر هند من المدرسه
وانتي تعرفي خالد لايطيق عمه ويكره تصرفاته وسوف اقول اني وقعت وانتي كنتي معي
سعاد: امي لما كل هذا تريديني ان اكذب لا يامي لااستطيع لما تهتمين بعمي ولاتريدين خالد يوقفه عند حده
الام: انا لااخاف على عمك بل على اخوك خالد اخاف يتهور ويصير له شيء
سعاد: ابشري يامي؟؟
وفي تلك اللحظه دق جرس الباب وذهب فهد لفتح الباب
خالد : اين امي يافهد؟
فهد :في المطبخ هي وسعاد....
هند: ياعيني عليها سابقتني تسوي الغداء مع الوالده تبغى تكسب قلبها
فهد: لامايسوون الغداء
خالد :اجل ايش يسوون؟؟
فهد: امي جالسه تبكي لان ابوي ضربها....وسعاد جالسه تسكتها.....
خالد وهند بصوت واحد: ايش تقول..
وذهبا الى المطبخ مسرعين ووجدوا امهم بالمطبخ وسعاد جالسه تكمدها..
خالد: امي شو فيك شو الي صاير ليش كل هذه الضربات
هند: ياقلبي يايمه مين سوى فيك كذا
(واخذت هند تبكي بحضن امها وتقبل يديها وراسها)
الام مافيه شيء بس انا طحت على الارض وسعاد شافتني
سعاد متاعثمه: صحيح.....صحيح
خالد: تبغين تكذبين علي فهد خبرني بكل شيء
وسكتت الام وسعاد ولم تقولا شيئا
خالد: انا بس ابغى اعرف شو السبب الي خلاه يمد يدينه عليك جعلها الكسر
الام : لاعايدي كل رجال يضرب حرمته لما تخطي
هند: بس انتي ماتقصرين يايمه في شيء وانتي تخدمينه اكثر حتى من حريمه الثانيات
ياليتك ماخذتيه يايمه
الام انا اخذته علشان يكون لكم سند بعد وفات ابوكم وماسويت شيء الا علبشان خاطركم
والا ابوكم مايتعوض بكل رجال الدنيا....
خالد: اي سند....والله بغيناه عون طلع علينا فرعون..
ويتابع حديثه وينه هذا ابغى اتفاهم معه
الام: اخز ابليس ياخالد واستهدى بالرحمن
خالد : انتي دائما كذا يامي تخلينه يضرب فيك وانا ماتبيني اتدخل وكله علشانه بس انا هالمره ماني ساكت ابدا
الام: انا مابغى مشاكل باليت ياخالد برضاي عليك يايمه
خالد: انتي غاليه وتمونين بس انا ماقدر اشوفه وان شفته راح احط الضربات الي فيك فيه
الام :بس لاتنسى ان هذا يصير عمك.
هند: واي عم والله العدو مايسوي سواته....
الام: هند قولي شيء طيب والا اسكتي لاتزيدي النار حطب......
هند: حاضر يامي مع انها مولعه بدوني
فهد: انتوا ليش تكرهون ابوي والله لااقوله
هند: خوفتنا ياشاطر الا هو الي يكرهنا
الام: خلاص انتهينا من الموضوع
خالد: لاوالله يايمه مانتهينا الى الان حنا بصلب الموضوع
هند: الا هو ليش ضربك يامي
وصمت الجميع قليلا فرد خالد
طبعا بدون سبب وان كان هُناك سبب اكيد انه تافه ولايستحق الضرب
هند: الا هو وينه الحين؟
الام :نايم
خالد: نامت عليه طوفه انشاء الله
الام: عيب ياخالد هذا عمك مهما كان
يالله يابنات نحط الغداء وانت يافهد روح صح ابوك يتغدى
خالد: وكمان ضاربك ومسويه له الغداء والله مايستاهل هو فيه حرمه مثلك
صراحه يايمه انا ماقدر اتغدى معكم اخاف اشوفه اذبحه والا اسوي فيه شيء
انا رايح لصديقي معاذ
الام : الله معك ياخالد ويحفظك بحفظه
وذهبت الام وسعاد الى المطبخ وهند الى غرفتها لتبدل ملابسها وتساعدهم باعداد الطعام
وطول فترت ترتيب السفره وسعاد شاردت الذهن وتفكر بكلام عمها والموضوع الذي فاتحها فيه
وطلب ان تسال امها عنه وامها لم تخبرها بشيء
وتقول في نفسها اكيد ضرب امي بسبب ذلك الموضوع
وبينما اجتمعت الاسره على السفره لم ينزل عم سعاد عينيه عنها وكانه اول مره يشوفها
واخذ يمدح سعاد وادبها واخلاقها
واستغربت هند وسعاد من الموضوع ولكن الام كانت عارفه ليش يلمح
وانتهوا من الغداء
العم: ام خالد تعالي الى الغرفه اريدك
ام خالد: طيب انشاء الله
وراحوا هند وسعاد يشيلوا الاكل من على السفره وبمساعده من الشقي فهودي
هند: سعاد هل لاحظتي شيء على عمي
سعاد: ملاحظه مثل ايش؟
هند: طول ماناكل وهو ماشال عيونه عنك وكانه اول مره يشوفك
سعاد: (ماتبغى تبين انها انتبهت للامر) ياشيخه بس انتي متوهمه ولا هو ينظر بالكل
هند: مادري يمكن
ذهبت هند الى غرفتها لتنام قبل صلاة العصر
واكملت سعاد غسل الصحون ولحقت بها لتاخذ قسطا من الراحه
وبينما هي تمر من غرفت امها وعمها وقد سمعت صراخ و مشاجره بين امها وعمها
وقد سمعت صوت امها يرتفع وهي اول مره تسمع امها ترفع صوتها على عمها
فذهبت الى باب غرفتهما لتعرف السبب......
يتبع في المره القادمه باذن الله
(ملاحظه كتبت قصتي بالعاميه وذلك حسب طلب العديد من الاخوات خارج منتدى الواحه)