حبة الشمري كلها جت من “بصري الوضيحي” الشمري والقصة تقول:
ان بصري الوضيحي راح يحج ويتوب الى الله ..وان يتوب عن التغزل والغزل ..كونه مشهور بالغزل .. وبعد كبر سنه نوى ان يتوب ..
طلب من ابنه لكي يحججه ... وبعد ما سعى وطاف طلب من ابنه ان يحب الحجر الاسود .. ولكن الحجر الاسود كان مزدحم من الناس ...رجال ونساء ... والرؤوس متقاربه بعضها لبعض .. فتزاحم معهم بصري وابنه .. وعندما وصل الى الحجر ويريد حبة الحجر ... اعترض بينه وبين الحجر ...خد بنت جميله كانت تريد حبة الحجر ... وفي هذه اللحظه السريعه انبهر بصري الوضيحي من لمعان خد البنت وبدل مايحب الحجر حب وجنة البنت ....فقالت له البنت حج حج ياشايب .... وحاول ولده أنه يرقع الموضوع قال هذا شايب تايه(مهذري) ...فخجل الوضيحي وقال يابعد حيي زلقت الحبة ابيها بالحجر وصارت فيك ...وصار هذا مثل (ازلقت حبة الشمري)
وقال القصيدة :
التايه الـي جـاب بصـري يقنـه= هيض جروح العود والعود قاضـي
ياليت كانـت حبتـي فـي معنـه =يوم العيون عن الخوامل غواضـي
يامن يعاوني علـى وصـف كنـه =اشقح شقـاح ولاهـق بالبياضـي
الريـح لازفـرة ولاهـي مصنـه =ريح النفل بمطمطمـات الفياضـي
نهديـن للثـوب الحمـر شولعنـه =حمر ثمرهـن واقفـات غضاضـي
والخـد ذابـوح القلـوب المرنـه = براق مزنٍ لاعـق اللـون ياضـي
ياليت لو سني علـى وقـم سنـه =بايـام مابينـي وبينـه بغاضـي
أيام جلـد الذيـب عنـدي محنـه =نصبح وزرق الريش لهن إنتفاضي
ياجرح قلبي جـرح وادي جرحنـه =غر المزون اللي وطنـه وفاضـي
البيـض قبلـي محسـنٍ عذبنـه =ونمر على وضحى جرا له عراضي
والبيـض كـم ٍ واحـد ٍ يبسـنـه = يبسة شماشيل العـذوق النفاضـي
عـزي لمـن غـر الثنايـا كونـه =واركن على كبده كوايـلٍ عراضـي
الا ارتوى بستـان قلبـي سقنـه =واخضر جنابه عقب يبست الحاضي
القلـب غضـات الصبايـا شعنـه =بنت الشيوخ مخدميـن الحياضـي
شوفـي بعينـي والخـدم يركبنـه =على زعاع يـوم قوطـر وناضـي
فوق اشقح من زمل ابوها مضنـه =ركبة عليه اتشنطـح ٍ باعتراضـي
وامشجر من سـوق هجـر مغنـه =على خياطة نابي الارداف راضـي
وين انت يامشفي علـى طردهنـه =انا طويت ارشاي وقفيـت قاضـي
انـا صـدرت ووردهـن عقبنـه =على العدو مشرعـات الحياضـي
احد بوسـط النـار واحـد بجنـه =وترى البخيت اللي له الرب راضي
كنه اسم البنت اللي حبها
ويقال بعد مارجع الوضيحي ندم على مافعل وقال:
ياليتنـا مـن حجنـا سالمينـا =كان الذنوب اللي علينا خفيفات
رحنا نبي نخفف ذنوب علينـا =وجينا وعليها كثرها عشر مرات