يا بو خليفه العيد عيدين ... وثالث اعيادي شوف لَخْيَار
غايب وعوَّد عقب شهرين ... واستبشروا به القلب والدار
في خافقي حبَّه من سنين ... متملِّكنَّي ملك جبَّار
حاز الغلا عن كل حيِّين ... غالي معي لو صار ما صار
شوفه غناتي يسعد العين ... ويفرِّح الضيقه ولَكْدَار
في ناظري تاج السلاطين ... وعيوني الثنتين له دار
ما يختلف في شخصه ثنين ... نشمي واخو شمَّا ومغوار
لو في يدي ما فارق العين ... عين البنفسج دار لَحْرار
زايد وضعها في البلادين ... واحةْ زهر وعيون وانهار