من هو غير اللي على خدته شامه
واحد ويسوى ترى عندي قبيله
سمعته تفرض على الناس احترامه
ماحدن يلقى على دربه وسيله
بالادب والذوق وخصال الشهامه
والصفات اللي مواردها نبيله
واحد(ن) ربي بلاني في غرامه
بلوة كليب ابن تغلب فالجليله
ان ظميته حب وردني هيامه
وان عطشته شوق جاني في شليله
اتشفق طلته ...وانطر سلامه
واتلهف ردته في كل ليله
وان لفاني وابتلاني بابتسامه
جبت كل العالم ثم قمت احكيله
وان هرج لي ضعت في زبده كلامه
من كثيره ضعت في لذة قليله
هاج فكري عقب ماحزت اهتمامه
بالطواريق القصيره والطويله
مابقاله غير بيتا له علامه
اشهد انه ياعرب مافيه حيله
.
.
وسلامتكم