بسم الله الرحمن الرحيم
بدون اى مقدمات او كلام مالوش اى لازمة
انا عايزة اخد رائيكم فى الوضع السياسي الحالى فى مصر
شوية مع مرسي ويقولو هو الاصلح وشوية ضد مرسي ويقولو لايصلح
شوية حمدين واحد مننا وشوية حمدين واحد خمنا
وشوية ابو الفتوح لانة تبع الوسط وشوية يقولو دة تبع الاخوان
شوية البرادعى بتاع مواقف وشوية البرادعى بتاع تويتات وبس
جزء عايزها اسلامية وجزء عايزها علمانية او ليبرالية
(( مع ان الاسلامية اغلبية من وجهه نظرى ))
ودول بقي حازموووووووووون
مؤيدين الشيخ حازم صلاح ابو اسماعيل
السؤال هنا بقي .....
اللى عايزها علمانية وهو مسلم اية مبرراتة فى الطلب دة ؟؟؟
واللى بيقول لازم تفصل الدين عن السياسة طب ازاى
واحنا ربنا سبحانة وتعالى هو اللى خالقنا
وهو اللى عالم بالشرع اللى هنمشي علية
وطبيعى يكون
(( دستورنا هو قرائننا ))
لية خايف من شرع الله لما انت مش حرامى ؟؟؟
لية خايف من شرع الله لما انت مش زانى ؟؟؟
لية خايف من شرع الله طالما انت مش بتفسد فى الارض ؟؟؟
لايخشى من تطبيق شرع الله الا من يخالف شرع الله
احنا مش هنتخانق احنا عايزين مناقشة بكل ادب واحترام واخلاق
واللى يكلم كلمة يكون مقتنع بيها ويجيب دليل عليها
بلاش كلام الافتراء والاكاذيب
واحترامى مقدما لكافة الاراء
...........................