محاورة بين البنات البيض والسمر :
الله يارحمن يارب السماء
يا واحد كل الملا تشكي له
سألتك بـ طه ثم صاد والزمر
وبحق من هو للأنام وسيله
أفرج لقلب ذاب من حر الجواء
والنفس من شد الغرام عليله
أسهر اراعي النجم في طب الفلك
والحال يامشكاي مني نحيله
امس الضحى وافيت غزلان المها
البيض ويا السمر ويش الحيله
جن البنات الخضر معهن وجلسن
وقال بنا أحكم بخير فصيله
فرحت وأزداد السرور بخاطري
وشكلت وياهن ياوي تشكيله
تبدت البيضاء وقالت يافتى
احنا الرمك واحنا خيول أصيله
احنا شعاع الشمس تاضي لاشرقت
نور المنازل زاد سعد من نصفـي له
ردت السمراء وقالت في عجب
يكفيك عن كثر الكلام قليله
احنا السمر كل الملا تشهد لنا
الحسن فينا والعيون كحيله
احنا الذي فينا يقول الشاعر
روح الجمال وكل سمراء جميله
احنا الذي فينا يقول الشاعر
روح الجمال وكل سمراء جميله
تدنت الخضراء وقامت تفتخر
وقالت حكيكم مالقيت مثيله
احنا الغصون الخضر لي هب الهوى
قمنا نتخصر والغصون ضليله
وش خانت الروض الجديب المنحل
لابيضت ارضه ماحدن يسعي له
لا أخضر وسط الروض وشفته يزهي
لون الخضر حدراء تدور بديله
التفت البيضاء وهي تتبسم
قالت لهن هالمدح من يصغي له
احنا العذاراء البيض ربات الحسن
اهل الجعود ضافياتن بسيله
ولا الخضر والسمر لو يتجمعن
مافيهم اللي تنفتح عيني له
قالت السمراء دخيلك أسكتي
هذا كلام مزيفن وفشيله
اما دريتي السمر هم نور البلد
بدا الحسن فينا ولنا تكميله
احنا نفت الكبد في طرد الهوى
وماكل احد في وصلنا نصغي له
السمر مابغير السمر تلقى الحسن
من شافنا ضيع وتاه دليله
في ما انا اسمع وهن يتشاجرن
يوم اقبلت شمطاء عجوز طويله
جتنا على عكاز محدودبه
محدودبه وابليس معها تشيله
قالت علامك قاعد وسط المها
قط جيتهن تعمل معاهن حيله
قلت ياجده حشى مالي بهن
مالي بهم قصد و ولا لي وسيله
انا مسيكين اسير بدربي
عابر سبيل لا تقطعين سبيله
ضحكت وقالت لي تريد خداعي
ماني بمن هي تنخدع بالحيله
انا اعرفك يالسليطي وابخصك
كم خفرتن خليتها في مليله
قلت خوفي الله ماني بعرفك
ترا لاتتهميني بأمور مهيله
انا مسيكين أسير بدربي
انا مطوع ما أفارق مسجدي
اقرأ واسبح و الصلاه كل ليله
قالت اعرفك لاتخبي نفسك
ولاتفتكر هذا الحكي بصغي له
أنت خراب الدار أنت ملكع
ماتحل في روض ويعمر جيله
لكن اني ابسعي لك بقطع الوصل
من كل مجمول تحب تجيلة
قلت اشهد انك يا عجوز رجيمة
ولبليس من اليوم غديتي خليلة
قالت تسب العجز اهل الديانة
اهل الذمم واهل الامور الجميلة
قلت تخسون انتو مفاتيح المكر
مـــامنكم الي تــــدي التهليـــــلة
انتم وقود النار في يوم الحشر
وادي جهنم ينتظركم وكيلة
قالت تعادينا وحنا جماعة
قبيلة يا وي والله قبيلة
ترى ان تجمعنا وجيناك بعجر
والله لاحرمك من هوى التقبيلة
قلت انتي تهذرين من قل العقل
انا اشهد انك يا عجوز هبيلة
نادو عليها يا ضبيات المهى
ثم اطردوها لا تكون نزيلة
قاموا لها الخفرات جمعن كلهن
وصاحوا عليها صيحة التكميلة
وقفت عجوز بليس تمشي وتلتفت
وثويبها رفرف يبي التشميلة
تومي بكرعان لها يوم ادبرت
تشبة لشهري يموح بذيلة
فزنا وصفقنا عليها وأشردت
وتنكلت منا ياوي تنكيلة
وصلاة ربي عد ما هل المطر
على النبي المختار راعي الفضيلة