بسم الله الرحمن الرحيم
نعم بنتي تحب وتعشق علاقات الحب
بدات قصتي مع ابنتي وهيه بعمر7 سنوات
بكتابة رسائل بريئه لقريبها عارفين يعني شنو اقصد رسائل جدا عاديه
تحمل احلاما جميله..
فتكلمت معها بهذا الموضوع..ياابنتي هذا خطى ..الخ وان هذا ليش من ديننا ...الخ وانتهى الامر
في عمر9 اصبحت تراسل اخو القريب الاول برسائل الحب
وتطورت الرسائل الا ان صارفيها النقاش القبل بالشفايف(ها ها ادري الامر مظحك )
ومسكتها وتكلمت معها كصديقه كي تكون الثقه والصراحه بينا ووضحت مدى عواقب الامر وتكلمت بكلشي بكلشي بصوت خافت وابتسامه عوجهي..واحذرتها..عن العدوه للخطا مره ثانيه.
ومن ناحيتي انا عاتبت كل من شجع على هذا الامر ومنعت تواجد البنت باي مكان فيه اولاد...يعني صرت احاسب بكلشي..
وانتى الامر
ورجعنا بنفس القصه بعمر 11 مع ولد عمتها (كانت امه تقول كل مره **نوره عروس لودي يعني خرابيط حريم )فالبنت حطت براسها الولد
كنا خارج البلاد في رحله سياحيه مع قرايبنا..وبعثت له رساله تقوله
انت تراك البوي فريند مالي مش يقولون انت خطيبي يعني حبيبي
...يعني كانت رسالت تهديد للمسكين زوجها المستقبلي..
ومع هذا مسكتها وكلتمتها وتكلمت مع عمتها عشان تكون بالصوره.. وانهينا الموضوع...
ورجعنا مره ثانيه,, كانت مسافره مع ابوها لضروف صحيه ولقل المراقبه عليها..تعرفت على شاب وصات تتحدث بالهاتف معه...
يعني كل ماتكبر تتطور العلاقه اكثر واكثر..
وكشفتها وكلمتها وعاقبتها وكلام كثير كثير ..من وعي وثقافي وديني وكل ماصلي ادعي لها بالهدايه..
وعادة الكره مره وعاقبتها وادعي لها بالهدى,,,
وعادت الكره هنا خليت الوالد يطلع على الامر وعاقبها ..الخ
وكل ماناخذ عهود وثقه ,, ترجع وتخونها
الا ان صار خلاص كلشي ممنوع
مع العلم اني حريصه على دخلتها وطلعاتها مانعه اي وسيلة اتصال بالبيت وممنوع نت واو ا..الخ يعني مول ممنوع وحدها سينما ممنوع وحدها صديقات طلعات ممنوع طلعات مالها داعي ممنوع الا للضروره مع الخادمه اذا انا كنت مع العيال الثانين.
بس الي يبي الصلاه ما تفوته.. كمثال( كانت تقول لصديقه لها اتصلي على هذا الرقم قلي له مثلا ينطرني بالمكتبه او الجمعيه او او )
وانا طبعا كأم اكون اادي واجباتي مع افراد الاسره الثانيه وهيه تروح مع الخادمه تقضي امرها ابسرعه وترجع .يعني تشوفه وترجع
مرينا بفتره سلام سنه نقول وماقول ماكان فيها علاقه كانت في علاقه جديده مدري من وين تطلع الصبيان من الارض..
تداركت الامر وسيطرنا عليها ...
ورجعناااااااااااااااااااااااااااااا من جديد الحين عمرها 14 سنه
تطلع عورتها للشاب الي اهو حبيبها من الشباك لا ستر ولا غطااا نص عريانه..
انا انهرت ابوها انهال بالضرب ولون الضرب ماينفع بس قل حيله يضربها ولا يموت بسكته قلبيه ... ابوها متحفظ يعني يحمل اطباع اجداده القديمه..
انا تعبت انصحوني..مانفع فيها التفاهم ولا الكلام..سمعتها كلام وربي يعور القلب.. ابكي دم وانا اكلمها اقولها ليه ليه الكل يحبج والكل مش مقصر معاج نبي لج الافضل وانتي تختارين هذا الطريق ...الخ
ابوها يقول خلاص هذي ماتروح مدرسه تدخل معهد قرئان فقط لا اكثر ولا اكل...انا مش قانعني كلامه البنت الي تبيه بتسويه ..مش عارفه ارجووكم شاسوي شاسوي؟؟ البنت كل ماتكبر تزيد سوالفها بكره بتدخل وفي الكليه وربي ابوو الخراب فيها وهي مابتصدق.. اخاف تلعب لعبتها؟؟؟