بتـــــاريخ : 12/30/2011 11:32:22 AM
الفــــــــئة
  • الأســـــــــــرة
  • التعليقات المشاهدات التقييمات
    0 871 0


    سر مكالمة منتصف الليل بيني وبين خطيبي !!

    الناقل : SunSet | العمر :36 | الكاتب الأصلى : سلمى العسوله | المصدر : www.konyonsa.com

    كلمات مفتاحية  :



    ازيكوا يا مخطوبات
    ان شاااء الله دايما فرحانات ومش منكدات

    هعترفلكواااا بسر مكالمات خطيبي ليه في نص الليل

    أولا احنا بنتكلم في الوقت دة لأنه بيكون راجع من شغله
    فدة الوقت المتاح قدامنا

    احنا الأول كنا بنتكلم زي أي اتنين مخطوبين
    بنم على الناس وبنتكلم في أي مواضيع ملهاش لازمة

    أو بنتخانق

    ولكن من فترة قصيرة
    كلامنا خد اتجاه تاني خااااااااااالص !!



    بعد الحمد لله ما قربنا من ربنا أكتر
    البداية كانت لما ربنا من عليا بحفظ القرآن

    وبدأت أحفظ وأتعلم التجويد
    وبعدت عن حاجات كتير كنت بعملها

    يعني التلفزيون بقى بحساب وبختار اللي اتفرج عليه
    وغالبا يا برامج دينية أو اجتماعية او سياسية (كلنا بقينا بنتفرج عليها دلوقتي )



    يا إما على المنتدى بقرأ موضوع مفيد
    أو بقرأ كتاب مفيد


    وحياتي بقى فيها شئ كبير من الالتزام
    من الصلاة والأذكار والقيام
    ودة انعكس على خطيبي وعلى علاقتي بيه

    (الحمد لله رب العالمين )
    لقيت خطيبي رايح يحفظ قرآن ويتعلم تجويد زيي ماشاااء الله


    بقت مكالمتنا أغلبها عن حديث سمعناه أو حاجة الشيخ قالها ليهم
    أو حاجة أنا قريتها وطبعا بنسأل على بعض وبطمن عليه وعلى شغله

    وهو كمان بيطمن عليا بس بنفيد بعض برده وبناخد حسنات
    بدل ما ناخد سيئات

    كمان أغلب مسجاتنا بقت بدعيله أو يدعيلي
    أو أبعتله حديث قريته مثلا أو حاجة جديدة قريتها


    امبارح بقى كنت بسمعله السور اللي حفظها
    وبصلحله أخطاؤه في التجويد والتشكيل

    والحمد لله بقى ملتزم بكل الصلوات في المسجد
    (ربنا يهديه ويثبته)


    والله يا بنات صدقوني خناقاتنا قلت
    وعلى الأقل بقينا بنتفاهم ونتناقش

    وحاسة اني مبسوطة وهو كمان مبسوط
    هي دي الحاجة اللي تخليكي تفخري بخطيبك

    انه بيعرف ربنا وملتزم
    مش انه معاه كام وبيجيبلي ايه

    وكمان دة الضمان اللي يخليكي
    تطمني انه هيراعي ربنا في تعامله معاكي
    وهيكون انسان كويس وأب كويس



    ياريت الموضوع دة يبقى ليه أثر
    في تغيير نظرتك للخطوبة ولعلاقتك بخطيبك

    إبدأي بنفسك والتزمي وساعديه
    وان شااء الله هتلاقي علاقتكوا بقت أحسن بكتيير

    وصدقوني الموضوع مش صعب
    أنا وخطيبي الموضوع جه تدريجيا



    ربنا يهدي خطابنا ويهدينا
    ويعيينا على الطاعة ويتقبل منا


    كلمات مفتاحية  :

    تعليقات الزوار ()