متقولش لحد...بتكلم جد
=*=*=*=*
لو عاوز سرك يتزاع ويبقا فى ميكرفون مش فى بير "قوله لواحده ست" ولو عاوزه ينتشر اكتر كل شويه اكد عليها فى الكلام بالجمله دى " دا سر، اوعى تقوليه لحد" ولو عاوزه ينتشر اكتر واكتر اكد عليها متقولوش لأى واحده ست وهى هتدور على الستات مخصوص وتقولهم
محض افترااااااااااااااااااااااااااااااااء وظلم كمان
مين قال ان كشف الاسرار تخصص الستات وبس؟؟ مش فى رجاله رغايه ومعندهمش امانه وبيتكلموا فى الفاضيه والمليانه؟؟
الجنسين فيهم وفيهم
اى انسان عنده أمانه وضمير وأمنته على سرك اكيد مش هيقوله لحد بغض النظر بقا عن كونه راجل ولا ست
ارجوكم بلاش ظلم للستات ، لو سرك انكشف يبقا العيب عليك علشان معرفتش تختار الشخص اللى تأتمنه عليه
إذا كان انت نفسك مستحملتش سرك وحكيته يبقا تلوم ليه على غيرك لما يكشفه؟؟
"صدرك أوسع لسرك"
دا بوجه عام
بوجه خاص بقا.....ليه الثقه والصراحه قلت بين الازواج؟؟؟؟ كل واحد فيهم بقا بيحتفظ بكم رهيب من الاسرار بعيداً عن الآخر، دا ممكن يحكى لصاحبه وميحكيش لمراته
غالباً الستات بتحكى وتفضفض، لكن الراجل بقا عامل زى البير اللى ما له قرار او زى الصندوق الاسود...ميتفتحش غير بعد موته دا لو حد عرف يلاقيه
السؤال بقا وبتكلم بجد......لماذا يخفي الرجل أسراره عن زوجته؟؟؟ قلة ثقه فيها ولا علشان متخيل انها ممكن متفهمش الموقف وجديته؟؟؟ يعنى بيستقل بضميرها ولا بعقلها؟؟؟
ليه الازواج والزوجات مبقوش "ستر وغطا" على بعض؟؟؟
ها عايزة اسمع أراااء كتيير مش تقرأ وتقفل وعفا الله عما سلف 
لأ شاركنا برأيك وخليك أيجابى