قام عدد من النشطاء على موقع التواصل الاجتماعى "فيسبوك" بتدشين صفحة تحت عنوان "إحنا آسفين ياست البنات" وذلك في محاولة لتقديم الاعتذار للفتاة التي تم سحلها من قبل قوات الجيش أخيرا في أحداث مجلس الوزراء الأخيرة.
وجاءت الصفحة تحت شعار " نتقدم جميعا باعتذارنا لفتاة الثورة المصرية التى سحلت وتعرت وكل امرأة خذلناها فى الاتيان بحقها"، وعاوزين اعتذرانا يوصل لها يمكن يهون عليها شوية من اللى شافته ...آسفين يا ست البنات.
وعلق أحد النشطاء على الصفحة "ارفعى راسك..ارفعى راسك.. انت أشرف مـ اللى داسك".
وتزايد أعداد المعجبين بالصفحة بسرعة حتي وصل الي أكثر من " ........." وأصبحت الصفحة "دفتر اعتذار" يقدم فيه كل شخص رسالة اعتذار في محاولة للتخفيف عن الفتاة لما حدث.
وذكر أدمن الصفحة أن هدف الصفحة هو "نشر ثقافة الاعتذار لكل من تم الخطأ بحقه.. لأن ثقافة الاعتذار غابت كثيرا عن مجتمعنا طوال السنوات الماضية ... وأتمنى أن تتفقوا معى فى وجهة نظرى المتواضعة".
وكان من أهم المشاركات علي الصفحة:
لو أنـت مسلم : فيـه شيـخ أزهـري مـات، لو أنت مسيحي: فيه ولد اسمه مينا دانيال مات، لو إنتـى بنت : في بنـات اتسـحلت مـن الجـيش، لو أنـت شاب: عـلاء عبد الهادي اتقـتل و هو فـي خـامسة طـب، لو أنت أب : في آباء كتير مش هيلاقو ولد يتعكزوا عليه عشان ابنهم مات، لو انتي أم : في أمهات مش هتعرف تاخد ابنها في حضنها تاني:( .... لكى الله يا مصر
نراك تجمعين بين عفة العذراء مريم ...وشجاعة اسماء بنت ابى بكر... وقوة نسيبة بنت كعب.. آحنا آسفين يا ست البنات.
احنا اسفين يا ست البنات .. اسفين ليكى ولكل البنات والستات اللى تم الإعتداء عليهم .. صدقينا حسابهم عند الله قبل مايكون عندنا.
وتم اضافة حديث ايضاً قال رَسُول اللَّهِ صَلَّى اللَّهُ عَلَيْهِ وَسَلَّم لا تضربوا إماء اللَّه - صدق رسول الله (ص)
والله مصرنا جميلة .... بكرة الحال حيتصلح ونرد الحق لكل حد اتظلم .... حقنا راجع راجع وحقهم علينا جميعا .. زى ماكنا انضف ثورة فى العالم ... حنرجع حقنا بنفس المنطق اننا شباب وبنات واعيين مش حيرضوا تانى بالاهانه والذل من اى طرف كان.
المتظاهر فيه اخويا واخوك واختك واختى .. الجيش فيه اخويا واخوك ... لا نرضى بقتل الاخ لأخيه الانسان لا نرضى بالتعدى من اى طرف ... هؤلاء عليهم واجبات وعلينا نحن واجبات .. نحن الاثنين معا منظومة لمصر دولة متقدمة محترمة ... لانرضى باهانة المصرى ابدا مهما كانت الظروف ... أطلب بتحقيق بمعرفة قاضي للتحقيق لا تقل درجته عن مستشار بمحكمة النقض و ليس النائب العام للتحقيق في حوادث العباسية , مسرح البالون, ماسبيرو ,كنسية صول ,كنيسة أطفيح , كنيسة امبابة متظاهرى 25 يناير, محمد محمود و مجلس الوزراء و اعلان النتائج علي الشعب.
وقاموا أيضا بنشر رسالة المجلس العسكري رقم 91 التي يبدى فيها المجلس العسكري أسفه لسيدات مصر عن التجاوزات الأخيرة.
وكان من التعليقات علي رسالة العسكري:
- يبق نروح نتهجم علي أهالي المجلس العسكري ونبقي نعتذر هو كل واحد في البلد دي يقتل ويسحل ويضرب يطلع يعتذر.
- وإحنا بنتريق على الجيش الامريكي اللي بيضرب في (العراق .افغانستان)، جيش اسرائيلي بيضرب في فلسطينيين، لكن ان جيش يضرب اهل بلده وكمان بنات اثبت بكدا ان الجيش المصري .. ام الاجنبي.
-العدل الذى نسمو اليه .. ليس بالانتقام ولكن بالقانون .. يجب ان ندرك اننا نمر فى مرحلة تحول من دولة غاب الى دولة قانون .. هذا كان هدف الثورة.
وفي نفس السياق قام أحد الأشخاص علي صفحته الشخصية علي الفيسبوك بتقديم رسالة إلى الفتاة التى أظهرت للعالم (خيانة) المجلس العسكري وهي كالتالي:
اسمي محمود ابراهيم عبد الرازق رضا، عندي 29 سنة، بشتغل في موقع MBC مكتب القاهرة
عارف ان دا مش وقته .. ومش عارف اقوله ازاي .. وميهمنيش الناس هتقول عليٌ أيه.. كل اللي أعرفه أنك من أشرف بنات مصر علشان كدة نفسي رسالتي توصلك، شرف ليا أني أطلب منك الطلب ده ""تتجوزيني""؟