السلام عليكم ورحمه الله وبركاته احم حم يا فتوكات ياريت تقرو الموضوع وتشوفو ازاى وانا صغيره كنت فظييييييييييعه بس ما كنتش واخده بالى انا جايه احكيلكم عن صاحبتى وصديقه عمرى من ايام 5 ابتدائى من يومها الى اللآن واحنا مع بعض صحيح مش بقوه زمان بسبب انشاغلاتنا فى الحياه بس لما بنفتكر المواقف دى بنموووووووووووت من الضحك ما علينا علشان مطولش عليكم وصلنا انا وهيه للثانوى وبعد الثانوى علطول ارتبطت ب شاب ال كان بيقولو عليه مدوخ البنات وكا هايبوس ايدها ورجلها علشان تقابله بره بس هيه ابداااااااااااااا طبعا الكلام ده لمده سنه فى التليفون الارضى الكلام ده من 12 سنه مثلا او اكتر شويه وكان مكالمات التليفون دى عمل مشييييييييييييين لما ملقاش منها امل راح خطبها وبعدين اخواتها كلهم كانو موافقين الا واحد هما 6 رجاله وبنتين المهم اتجوزو بعد سنه وحب وهيام وغرام وانا اسمع واسح وانهنه على الحب الى بسمعه وخلتنى ماشيه عاوزه اتجوز على روحى من كتر الاشعار اللى بتتقال فى شهر العسل وعدى بعدها 3 شهور وكنت فى مره راحه اشترى حاجات وبعدين قالتلى هاتيلى معاكى جبت الحاجات ورنيت من تحت اصل اخبط فى وضع مش مناسب ولا حاجه ,, ماما قالتلى اعمل كده ,, لاقيت حماتها بترد عليا اصلهم فى بيت واحد وبتقولى اطلعى يا فلانه قلت اكيد العرير مش موجود لاقيته هو اللى فتحلى وقالى ادخلى ليها جوه وكانت حماتها على السلم ونازله يا جماحه بقى الاحراج ده ادخل فين بس خبطت على الباب لاقيته كان مقفول بالمفتاح وواحده كده فتحتلى وشها كله احمرررررررررررر بقولها ايه ده انتى عامله كده ليه لاقتها بتجرى على الحمام وبتغسل وشها بجنون وبتقولى دلوقتى هابقى كويسه لما هديت وبطلت هستيريا العياط لاقيت سبب تافهههههه جداااااااا وميستهلش انه يضربها على وشها بالشبشب اخته هاتولد وهيه فى محافظه تانيه مامته قالت له تعالى معايا انا هاقعه 3 ايام وارجع صاحبتى محدش عزم عليها وهيه اصلا مش بترتاح عند حد يعنى لا هو ولا مامته قالولها تعالى قالت له ممكن اروح اقعد عند ماما الكام يوم دول قالها لالالالالالالالالالالالالالالالاء مفيش خروج من البيت طيب حد يجى يبات معايا لالالالالالالالاء ولا دى كمان قالت له مش الرجوله او لو عاوز تتحكم يبقى بالمنظر ده قام عليها بالشبشب وتلطيش على وشها طبعا انهارت ونده لمامته وهيه كانت قفلت على نفسها الباب ومامته قعدت تخبط عليها بس هيه مرضيتش تفتح وبعدينننننننننننننننننننن لاقيت نفسى نازله من عندها بروح من غير تفكير لمامتها وبحكى لها صاحبتى زوجها ضربها بالشبشب ......... بس انا مسكتش عملتله مفاجأأأأأأأأأأه معرفش انا عملت كده ازاى وجبت الجرأه دى منين ومجدش يقولى مش من حقك تدخلى فى حياتها لآسباب كتير يعنى انها اكتر من اخت ثانيا كنت بتعامل مع الموقف بسذاجه تامه وعواطفى هيه اللى دفعتنى احكى لآهلها منظر وشها والشبشب معلم عليه فظيع ولما حكيت لمامتها قالتلى اوعى تجيبى سيره قدام اخواتها احنا هناخد شريف ونروح واخدين بالكو انتو من نروح دى ن الجمع انا استغربت شريف شريف ده اصلا اللى مكنش موافق قالتلى التانين مجانين انما ده عاقل قلت لها طيب يا طنط انا ماشيه بقا قالتلى لالالالالاء استنىامال مين هايسندنى وانا طالعه السلم عندها خشونه ومتقدرش تطلع حتى راحت لصاحبتى خلال جوازها ده مره واحده طيب يا طنط كده هتأخر قالتلى انا هاكلم ماما احكيلها يا حلولى يا حلولى المهم كلمت ماما بابا رد عليا قالى ماما عند خالتك قلت حلو اما اروح ابقلى احكى انا حتى ابقى اعمل مونتاج على مزاجى وروحنا العرير فتح واتفاجأأأأأأأأأأأأأأأأأأأأأأأ لاقيتها هيه كمان واقفه جمبه متنحه بوشها المفقفق الجميل ده وقبل ما تنطق شفت مامتها بتخبطها برجلها وتقولها الحمد لله انك بعتى قلانه اصل صاحبتى مكنتش لسه عندها تليفون والعريس بقا واقف يصب ميه ويقول يا جماعه والله انا مش عارف انا عملت كده ازاى واخوها قالها يالله من سكات هاتى هدومك وقاله لما تبقى تعرف انها مش ملقيه ولا جايه من الشارع هانبقى نفكر نرجعهالك ونزلنا بعد ما مامتها قالت له كده برده يابنى دى الامانه اللى عندك ترضى اختك حد يعمل فيها كده وقعد يعتذر لغايه ما كان هايبوس ايدهم علشان ميخدوهاش وينزلو بس كان لازم اخدوها وروحت حكيت لماما قعدت تجرى ورايا بالشبشب انا كمااااااااااااان ههههههههههههههههههههه وتقولى هديتى البيت هديتى البيت روحى يا شيخه الله يسامحك فى الوقت ده مامت صاحبتى اتصلت نجده بتشكر ماما على حسن تربيتها ليه انه انا مخلصه ومخلصهاش اشوف صاحبتى كده ههههههههههههههههه صاحبتى بقى اللى كانت زعلانه وقالت لى كان المفروض تاخدى رأيى ولو ان لما ماما واخويا دخلو عليا حسيت ان كرامتى رجعتلى قلت لها طيب ما تقولى لنفسك ولغايه الات انا ولا هيه ناسين وهو كمان لما بيشوفنى بيعزنى اوى وعمره الى الان ما مد ايده عليها تانى كان سايق طوب الارض علشان ترجع ومرجعتش غير لما هو واخواته وباباه ومامته وعمه كمان راحو بدل المره 2 و3 للاسف بقرأ هنا تهاون كبير اوى فى حق اى واحده بتضرب مش بتاخد موقف وانا كنت هبله وبفكر كده لالالالالالالالالالالالازم لالالالالالالالالازم لالالالالالالالالالازم اهلك فى الصداره لا تتكلمى عنهم مش كويس قدامه ولا تقولى على مشاكلك مع اخواتك قدامه لازم تبينيله ان ليكى ضهر وضهر جامد مش اقعد تحكى وهو يهوى على الفحم ليكى رجعه مع اخواتك دى نصيحه وياريت تقبلوها منى واذا عجبكم الموضوع لا تنسو التقييم والسلام عليكم وانا عامله كده