لوْ .. لو كنت ما قابلتكيش ما عرفتكيش لو كنتِ ما اتكلمتيش كنت سكت، سكنت عيون الحزن .. صرخت وساعتها الجن كان ح يجنّ ولا يعرفنيش لوْ .. أنا كنت ح أبقى ساكن مساكن حزني فوق دفَا الكراسي وكنت ح أقعد على صفحة كُرّاسي أفسّر الحلم الضايع في شوارع راسِي لوْ .. أنا كنت ح أبقى قمر حيران ع الشجر باهت على الشطآن و .. كنت كمان ح أبقى فْ منتهى حنان لحظةْ الرقّه زيّ الدموع الفقيره في عيون فقير وزيّ ناس بلا سيرَه .. أو مسيره وزيّ فرحَه خايفه عيون أمير لوْ .. كنت ح أبقى نجم تايه على خدود البلاد وفرْح عاشق .. بلا عشاق زيّ ضيف .. جايّ من قصص الفراق .. بدون ميعاد ولا كنت ح اعرف طعم اللقا .. وقت اللقا ولا .. طعم الفراق .. وقت الفراق لوْ ..