معروض الآن بدون تقطيع بنوك للبيع علي العملة وشرط البيع يكون للخونة والعُمَلا بنوك مليانة نقدية ومين قال هات يا حرامية وسهم لوطني لاء ممنوع بنوك مليانة ليها فروع في كل مكان وبالجملة علي الراغب يورينا فلوسه بسرعة ويجينا عشان قررنا في بلدنا نخصخص حتى أحلامنا وهـ نبيع بكرة أولادنا خلاص عدنا وصلنا ف حلقة امبارح لحد ما دخلوا علي صدام وحكموا علينا بالإعدام وكان أبو زيد هناك واقف ولا أتكلم مع الأولاد وشاف اللحظة دي السوده سقوط بغداد قالولوا هـ نعدمه بلم وعدوا وهدوا أحلامنا وداسوا عراقنا قدامنا وشوفنا بطلنا بيسلم وراح أبو زيد بقي الفارس بصفته أميرنا والحارس علي الدولة عمل فيها شيخ واستولي وساب أمريكا بتمارس علينا حقوق ما هش ليها وسابنا ندوق مرار الذل بأيديها وتلقي الحجة ف الديقة صديقة ليه نعاديها نقوله ازاي يا عم حرام طب الإسلام يقول أبو زيدنا عديها وبعديها رضينا الموت بنفس رضية ومسالمة خدوا البترول ولا كلمة ولا فيه صوت وسبوا رسولنا والأمة في سجن سكوت ونلقي أبو زيد علي حصانه كلامه اخرس ف لسانه وقف م الصدمة في مكانه خايف م الموت كما المعهود ------- فاصل ونعود آبار بترول عربية بتتصدر وللخونة سواحل فاضيه مصرية هدايا عمولة للعونة قصور شليهات علي المينا وشرم الشيخ وطور سينا علي أولادنا مقفولة بميت مفتاح وللسياح جنينه براح ومشمولة بحمام شمس للسونه دا حال العدل في بلادنا خلاص عدنا وصلنا في حلقة كانت ماضية لحد ما شفنا بن لادن ضرب ضربة ماهش قاضية وأمريكا ولا تهادن بتضرب كل يوم فينا وبتخرب وبتهرب سلاح نووي بترمينا وبتجرب وفين أبو زيد ولا بيسأل خربت البيت ولا بيسأل ونسأل عنه يتهرب وإسرائيل بتطحن طحن ف فلسطين وكل يومين آلاف الشهدا والمساجين والاعتقالات سجلات ليها مفتوحة ونفس القدس مجروحة بتبكي نار وتشكي يا ناس وفتح بتغلي ويا حماس وفين مشعل وفين عباس من الاقصي كفايا خلاف بقي وإتلاف خلاص نصحي دا إسلامنا بينهاكم عن التخريب واعز حبيب رسول الله قال اتحدوا كفايا نعيش سنين ماسآه من العادي وإحنا كمان بقت عادي نجرح بعضنا ونقسه قلولي أزاي بأيها وش يوم العرض هنقابل ألهنا لمه يسألنا عن الأمة وأعمالنا وليه الأرض تتاخد كده منا وليه في العرض بنفرط ونتورط مع بعضينا في مآسي وليه أبو زيد ماهوش راسي علي اللعبة شايفنا ف مرحلة صعبة وراح ناسي أمانينا وغمي قلوبنا وعنيا وخدنا بظلم ومشينا طريق مسدود فاصل ونعود دا لو عٌدنا ***