كونداليزا اختنا العزيزة.. كونداليزا شاكرين لاحترامك القضية واهتمامك العظيم شرق أوسط ميه ميه اشكري لنا الخارجية والسياسة الأمريكية واشكري.. بوش العظيم باسم بحر من الدماء عمَّ يجري في العراق باسم صدام اللي راح في العيد ضحية كربلاء باسم إكليل الزهور اللي وعد الشعب بيه فكرية.. بالكرم، وبالحفاوة، وبدعاء.. كل اليتامى والأرامل واللي داقوا من الجراح واشكريه ع النجاح بعد ما اكتشف السلاح باسم عهد الارتياح اللي عاش الشعب فيه اشكريه ع الحكومة العنصرية اللي جت من غير ميعاد اللي فارضه روحها فرض على البلاد اللي حكمت بالفساد اللي باعت كل عرض بالمزاد اللي فقدت الاحترام لما حطت ايدها في ايدين العدو لما خانوا، واعتدوا لما لبسوا ألف وش وعينوا بوش الإمام ع المسلمين اختنا العزيزة كونداليزا شاكرين للحلول المنطقية والصراط المستقيم ع النعيم اللي عاش الاقصي فيه ع التاريخ اللي عايزه تغيريه زور وغش العرب دي متستاهلش تاعبه نفسك شايله هَمّْ حالنا وإحنا حالنا غمّْ كل يوم شهداء ودم عم بوش ح يعمل ايه..؟ دا كتير حرام والله كتر ألف خيرة اصلوا بِيْحَكِّم ضميره في القضية ع العموم ليه التحية وابعتيلوا مِيت سلام باسم كام مليون شهيد دمة نازف كل عام باسم حريّة قرار باسم عهد ديمقراطية للحوار ده الشعار بس لمَّا الشعب قال واختار حماس قال أساء في الاختيار وسقانا كاس مليان مرار كان كلامه أكيد هزار اصل شعبنا باختصار شعب قاصر محتاج وصاية والولاية أكيد لبوش اللي بيديه المصير اللي لمَّا الشعب كُلُه اختار فرزدق قال جرير هوه ده طبع الكبير انتوا فاهمين الحكايه، ولاّ أصبح مستحيل إسرائيل طفله المدلل اللي مش ممكن يضام والسلام لعبة في ايديه لمّا يبقي هوه عايز فجأة يدخل ونلقي كونداليزا بنت رايس جاية تقلِّب في المسائل لأجل ما تبيع الهوا لينا في قزايز وارجعوا لحظة لزمان لما كان حزب الله فايز جوا لبنان حسوا انه في حربه رابح نسيوا أن الروح أمانة وان لبنان الضحية المدابح كانت في قانا والقنابل عنقودية دمرُّوا أطفال صغار وبدمائهم الذكية كتبوا كلمة انتصار وإسرائيل طلعت بعار والتاريخ شاهد لا يمكن ينسي أبدا مهما كان اللي ضحي بدمه واللي في الميدان أصبح شهيد واللي لسه حكومته رافضه المعارضة من قريب، أو من بعيد واللي ناسي أن فيها الأمر شوري والحكومة ليها دورة بعدها ترحل أكيد واللي حاكم لجل منها يستفيد وأنت إيدك من حديد لينا واقفة في كل شدة كل أزمة لينا ماده ألف إيد هوَّ ده طبع الإخوَّة تحكمينا برة جوه اصل طبعك المروة وإحنا شعب مكسَحِين اختنا العزيزة كونداليزا شاكرين.. ***