زغروطه يا ولاد البلد لجل القمر على باب بلدنا .. بيتولد قوموا انهضوا ورّولُه ف حدود المكان سكة هوانا .. وحبنا وقولوله يا نجم الهوى كل السما دى .. ملكنا ● ○ ● زغروطة يا ولاد البلد لجل القمر على باب بلدنا .. بيتولد يلّا انهضوا قوموا وضَّبوا سكة حنان أو جهزوله ألف مطرح للبيات لفلف يا ليل إيدك ف إيد بنت وولد زِفوّله أجمل لؤلؤة .. زينة البنات لجل اما يفضل ف السما بتاعتنا دية .. سنوات مبسوطة يا .. سكر نبات ياللى انبدر ف عنيكى م الفرحْ .. السكات شارة وعلامة للرضا وأهو لمَّا جالك بالندا قلبك بدا يعزف له أجمل أغنيات .