قولها معايا وعيد يازمان شجر الحب طرح احزان شوف الورده ان خلعت توبها حيبان شوكها على الاغصان *** قول يازمانى معايا وبوح قلب العاشق طير مدبوح قصة حب حروفها خطايا ماده جذورها وساكنه الروح قطفت اجمل حته فى قلبى زرعت دمعة ونار بركان شوف الورده ان خلعت توبها حيبان شوكها على الاغصان *** ياللا ياقلبى اسمعنى وتوب قبل مايبقى عليك مكتوب كل اغانى العشق بتشكى بكّتْ ياما معانا قلوب نار الحب ياقلبى سيبها نرجع زى ماكنت زمان شوف الورده ان خلعت توبها حيبان شوكها على الاغصان