لو عاد حبك كنت افكر انى احبك اكتر واكتر لكن قلبك زاد فى خداعه هز خريفه قلبى الاخضر قلبى اتعلم من اوجاعه عمر المر مايصبح سكر *** لو دام حبك قالها زمانى عمرى ماكنت اعيش وحدانى لكن قسوة قلبك باعت ذكرى هوانا لعصفور تانى وعشان قلبك عاش اطماعه بيت احلامى كله اتكسر قلبى اتعلم من اوجاعه عمر المر مايصبح سكر *** يوم ما طيورك سابت ارضى دبل الحب فى قلب الزهره شفت دموع الشجرة بتنزف ورقه بورقه زى المطره قبل مايكسر عمرى شراعه سايبك من غير حتى مافكر قلبى اتعلم من اوجاعه عمر المر مايصبح سكر