كلمة احبك مش لزمانى كل حروفها مش همانى كدبة كبيرة جرحت قلبى اوعى تقولها وتكدب تانى كلمة احبك مش لزمانى *** مستنية بشوقى وحبى بحر العشق وبحر حنانى لكن قلبك زى المركب زارت قبلى وبعدى موانى باعت فيهم مليون كلمة جايه تبيع لى الوهم اغانى كلمة احبك مش لزمانى *** كنت بدوب من همسة ونسمه كانت البسمة هيه زمانى كنت اتمنى نص الكلمة نص الوردة تملى كيانى وانت جنينه فاتحه بيبانها مافيهاش وردة باقية عشانى