صحيت جفن السهر واعطيتني دمعتك ميعاد البارحه وانت ترسم لي بغيبتك أعترافك ليتك ترويت واستحلفت حق الملح والزاد ليتك حملت المطر في البال واعطيته جفافك ليت اول الدرب ليته ما زرع خطوتي اوتاد والريح ياليتها ما كل ما هبت تخافك تخيل اني تخيلت انك اسواري والأبعاد والكبريا فيك ماهو إلا ضيا والبوح شافك تخيل اني تخيلتك لدربي زاد وزناد وان اختلافك زمن مايكسره غير اختلافك فيما مابقى عني اكتب واكتب ان الموت ميلاد واذكرني ان كان وجه الصبح مرك واستضافك ارسم متاهات صوتي في حدود بلادك بلاد لا زلت حلم اتجاهي لاتقول : الحلم طافك! تكفى تراني على حد الجروح ووجهي عتاد ينهل حروفك زمعروفك ويشرع في ضفافك