طريقة السمك المقلي
الناقل :
SunSet
| الكاتب الأصلى :
مسلمة ملتزمة
| المصدر :
forums.fatakat.com
السلام عليكم يا فاتوكات ازيكم خلاص رمضان بيودع
صحيح الايام الحلوة بتجري بسرعة المهم انا هقولكم طريقة للسمك المقلي يا رب تعجبكم خصوصا ان العيد داخل كل سنة وانتم طيبين
المقادير :
4 سمكات بلطي وسط
3 فص ثوم كبير
1 ملعقة صغيرة ملح
ا ملعقة صغيرة كسبرة ناشفة
1 ملعقة صغيرة كمون
عصير2 ليمونة
3 فص حبهان
دقيق
زيت للقلي
الطريقة :
اولا طبعا لازم نغسل السمك كويس وبعد كده ننقعه في دقيق وملح وخل لمدة 1/2 ساعة
بعد كده نشطفه كويس
هنحط الثوم و الملح والكسبرة والحبهان و الكمون و عصير الليمونة في الكبة ونضربهم كويس وبعد كده نحشي بطن السمك بالخلطة ديه كويس و نسيبه في الثلاجة لمدة ساعه مثلا علشان يشرب من التتبيلة
دلوقتي بعد ما الساعه عددت نجيب الدقيق و نتبل فيه السمك لغاية لما الدقيق يغطي السمك كويس ونقليه في الزيت بعد ما يسخن طبعا ..
يلا جربه وقولوا رأيكم و بالهنا و الشفااااا
اللهم تقبل صومنا وصلاتنا و زكاتنا وقيامنا ودعائنا
اللهم انك عفو تحب العفو فعف عني
اللهم انك عفو تحب العفو فعف عني
اللهم انك عفو تحب العفو فعف عني