العبمبر الليبى وصل
الناقل :
SunSet
| الكاتب الأصلى :
أم تيم حبيبى
| المصدر :
forums.fatakat.com
السلام عليكم و رحمة الله و بركاته
ازيكم يا فتوكاااات ؟ يارب دا يما بخير و صحه و هنا
كل سنه و انتم و عائلاتكم بالف خير
و اخيــــــــرااااااا
عاملت
العبمبر الليبى
طب تعرفوا الحكايه الاول ولاندخل فى الموضوع
لا معلش بقى ارغى شويه ههههه
بصى يا سيتى جوزى ليبى المولد و عاش فتره هناك لقيتوا فجأه بيقولى و احنا قاعدين قعده حلوه قالى انا عايز
عبمبر
رديت: ده من ايه بقى ..قالى: اتصرفى
المهم دخلت و بحثت فى فتكات و كمان سألت فى الاستشارات
يا اما مش عارفين يااما بيفتكروا معمر القذافى ربنا يهده
وبعد تفحيص و تمحيص عالنت
عملتوا و قولت يبقى حصرى مصرى على فتوكتى حبيبتى
يلا نشوف
***المقادير***
2 بياض بيض بدرجه حراره الغرفه
2كوب لوز مطحون
3\4 كوب سكر بودر
رشه ملح
1 معلقه صغيره بيكنج بودر
1\2 معلقه صغيره فانيليا
روح اللوز(ان وجد )(مش كان عندى)
***الطريقه***
1- نسخن الفرن قبل ما اشتغل على درجه حراره180
2- نفصل
بياض البيض
(خليى بالك اى نقطه صفار نزلت حيبوظ عشان احنا بنعمل مارينج) و نحط رشه الملح
3-نضرب بمضرب البيض 5 دقائق
4- اول ما نشوف الرغوة نحط السكر البودر
5- و نضرب تان 5 دقائق حيتحول لشكل كريمى جميل اوى
6- نحط البيكنج بودر و الفانيليا
7- نضرب تان 5 دقائق لغايه ميظهر شكل المنقار ده (كده يبقى بياض
البيض
استوى و بقى مارينج)
8-نحط
اللوز
المطحون شويه شويه عالمرينج
9- نقلب ف اتجاه واحد و براحه من تحط لفوق عشان مش يهبط
10- ده شكل الخليط ملاحظين لسه عالى
11- تجيب كيس الكريمه و ارص بيه لان العجبينه لازجه مش ينفع ايد
و نزين
باللوز
و ندخل الفرن 180 لمده 10-15 د لغايه مالوش يحمر
واطفى الفرن و سيبه 5 دقائق جوه عشان ميهبطش
12-ده الشكل النهائي
ملحوظه: المفروض شكله يطلع منفوش زى
الماربنج
بس فى غلطتين انا عملتهم
1- دهن الصينيه التيفال زيت و كمان كان كتير من خوفى يلزق وده غلط(فرش بعدكده)
2- فتحت عليه بعد 5 دقائق الفرن وده غلط (هبط زى فكره الكيك)
خالى بالكم بقى من الاخطاء طبعا ده حصرى فى موضوعى ههههه
بس والله عجب جوزى و قالى طعمه بالضبط بس الشكل كويس كبدايه
و اتنسف والله و كويس انى لاحقت اصوره
يارب يعجبكم وردوود و تقيييم بليز يا فتوكاتى الحلوين
ســـــــــــــلام