التمر هندي اللذيييييذ... مش هتشتريه من بره تاني ابدااااا
الناقل :
SunSet
| الكاتب الأصلى :
جهاد الحب
| المصدر :
forums.fatakat.com
حبيباتي الفتوكات السلام عليكم ورحمة الله وبركاته
كل سنه وانتوا طيبين وربنا يتقبل منا ومنكم الصيام والقيام وصالح الاعمال اللهم اااااميييين
النهارده جيبالكم طريقه سهله ولذيذه للتمر هندي طبعا كلنا بنحبه وبنشتريه من بره وخصوصا مع الحر الجامد ده
بس ان شاء الله الطريقه تعجبكم وتعملوه في البيت على طول
1)هتجيبي لفة تمر هندي وتاخدي منها حته يعني ممكن تملى طبق صغير كده
2)تحطيها في طبق عميق وتغطيها بالميه من بالليل وتسيبيها في التلاجه طول الليل
3)الصبح تجيبي دورق الخلاط وتحطي فيها التمر وعليه ميه وتضربيه في الخلاط كويس اوي
4)بعد كده تجيبي مصفاه سلك ضيقه وتصفيه كويس اوي
5) بعدين تزودي ميه زي ما انتي عايزه وتضيفيله السكر وتحليه كويس
وعلى فكره كل ماكن خفيف وسكره كتير كان طعمه مذذ اكتر وجميل
اتمنى اني اكون افدتكم ويارب الموضوع يعجبكم
بصراحه الطريقه دي طريقة ماما انا عارفاها منها ربنا يديها الصحه وجربتها وطلع جميل جدا
يارب يعجبكم وماتنسوش تدعولي ولماما
في رعاية الله ياقمرات