طريقة عمل كبة التوست بطريقة مميزة و تنفع للفريزر هذا الطبق اهداء قبل رمضان ان شاء الله يكون ضيف جديد على سفرتكم الرمضانية و تدعون لي بالخير.. معاكم الطبق التالي:: يمممم و هي حارة... و تتقرمش شوي.. نحتاج: خبز توست: فطعي الحواف و افرميها ناعم بتكون هي البقسماط في طبقنا هذا (طبعا طرية مو مجففة) صلحي حشوتك المفضلة انا سويت هنا دجاج مسلوق و منتف حمسته مع بصل و جزر مبشور و بقدونس مفروم.. التغميسة: في الخلاط: بيضة واحدة-رشة ملح-رشة بهارات-ملعقتين حليب - ملعقتين مايونيز جاء وقت الشغل.. اشتغلي على صينية كبيرة .. كل خبزة توست اغمسيها في الخلطة و ارفعيها و احشيها في المنتصف و اجمعي الطرفين معاً. اعصري الكبة حتى يطلع الزايد من السائل.. دحرجيها في البقسماط اللي سويناه من شوي اذا يتفرزنينها صفيها في صينية و دخليها الفريزر تجمد شوي بعدين اجمعيها بعلبة و وقت الحاجة اقليها لو بتقلينها مباشرة تقلى في زيت غير غزير.. ملاحظات: لا تغرقين خبزة التوست بالتغميسة تقوم تتعجن معك و ما تشكلينها صح اثناء التشكيل ممكن يصير فيه عيوب بالشكل مو مرتب100% بس عادي اذا دحرجتيها في البقسماط حفها تتغطى العيوب.. ان شاء الله تعجبكم و تدعون لي هذا بس اللي ابغاه منكم..