افكار لزفات العروس 2012، افكار زفات عروس جديدة 2012 : www.منقول.com

افكار لزفات العروس 2012، افكار زفات عروس جديدة 2012

مرحبا بنات
اليوم جبت لكم افكار زفات جديدة 2012

الفكرة الأولى ( فكرة الفراشات)

الكوشه عباره عن حديقة فيها فراشات معلقة في الجدار وازهار كثيره
وكرسي العروس على شكل مرجيحة ثابته وعليها ورود وعلى يمين العروسه كرسيين
صغار وعلى اليسار نفس الحكايه ..
اما الزفه يدخلون اربع بنات صغار عمرهم سبع سنوات لابسين اجنحة فراشات وماسكين
عصيان على شكل قلوب ولهم زفه خاصة عباره عن صوت ماء وعصافير ويمشون الى ان يجلسوا على الكراسي الصغيرة الي جنب الكوشه وبعدين تكون عند الكوشه بنت لابسه جناح
فراشه أبيض لان الاي قبل لابسين اجنحة ملونه اما الفراشه البيضاء ماسكه صندوق على شكل فراشه وداخل الصندوق مسكة العروسه وبعدين تمشي على الجسر الى ان تصل الى بداية الجسر بعدين تدخل العروسه من البوابه وتمشي الى بداية الجسر ثم تفتح الصندوق وتأخذ مسكتها وتلف الفراشه البيضاء ومعها الصندوق فيه ورد وتنثر الورد على الجسر والعروسه تمشي وراها الى ان تصل الى الكوشه .

الفكرة الثانية (زفة الرعد)

بالنسبه للطريقه الزفه بالبدايه ممكن تخلون الزفه تبدا قبل دخله العروس بصوت رياح قويه وعواصف وبرق ورعد ...ثم دقات ساعه....ثم صوت خطوات واضحه وعاليه جدا ...ثم صوت فتحة الباب ...وهنا يفتح الباب لللعروسه كي تدخل في زفات بالبدايه يحبون يحطون شعر وهذي اول ماتدخل العروس من الباب وتظل واقفه الين مايخلص الشعر ....ثم تبداء زفتها ..في فكره شفتها تكرررت مرتين ..وهي يوضع كوب عصير طوله متر او متر ونص ويكون ملين عصير معين ويكون في مصاصا اول مايدخل
العريس والعروسه يشرب هو ثم تشرب هي بعده من نفس المصاصه ((حركه جديده))...ممكن العروس واثناء مشيتها يجي طفله صغير وشايل معه سله مليانه ورد ويرمي العريس والعروس الورد منها على الحضور .....طبعا لازم قبل دخول العروس تترسون لهم الممر ورد تغطون فيه الارضيه او الممر اللي بتمشي فيه العروس وممكن انك تجيبن ((مادري ايش اسمها))((اللي يرتكز عليها الرسام ويرسم فوقها تجيبن مثلها بس تكون حلوه او تودينها لاحد يشتغل عليها بالوان تتناسق مع الوان الكوشه وتجيبين دفتر فخم وهذا عشان صاحبات العروسه وقرايبها يكتبون لها كلمه وتضعينها عن باب دخول القاعه واذا جت العروسه تحطينها بالكوشه عشان اول ماتطلع الكوشه هي وعريسها يكتبون كلمه الختام لهذي الليله وممكن تجيبين واحده ثانيه قبالها وتحطين عليها صوره مكبره للعروسه مع العريس يوم ملكتها ((خطوبتها او صوره حلوه لها مكبره ))

الفكرة الثالثه( زفة العصـــــــــــــــــافير )

كان ديكور الكوشه عباره عن قفص ومزين بعدد كبير من العصافير الملونه ( طبعا زينه ) .. و بجوانب الكوشه في قفصين بعد,,بس فيهم عصافير حقيقيه...
و الزفه هي .. ان تدخل العروس على موسيقى فيها اصوات العصافير و موج البحر..
في البداية اثنين من الأطفال يكونون شايلين اقفاص فيها عصافير بعد..يمشوون جدام العروس.
و العرووس باقتها اتكون فيها عصافير او حمام ابيض..المهم مش حقيقي طبعاً..المهم..
لما توصل العروس مع الاطفال فوق الممر..تبع الكوشه..يفتحون الاطفال الاقفاص و يخلون العصافييير تطير امام الجمهوووووور...
طبعا الاضواء تكوون ملونه على الوان العصاافير..
و مكياج العرووس يكون بعد ملون كأنه قوس قزح..و وااااايد رووووووووووووووعه..و تم تنفيذها بعد..

الفكرة الرابعه ( فكرة الورود)

العروس تطلع من البلكون وبيدها سلة ورد على انغام اغنية اميرة الورد لمحمد عبده ( متوفرة بدون موسيقى وباسم العروسين ) والعروس ترش الورد وهي في البلكون وتنزل من الدرج وترش الورد بعدين يجي بنت صغيرة تسلمها مسكة الورد .. ويمكن الفكرة السابقة تكون بدل الزهور تكون زهور على شكل قلوب والكوشة كذلك وجميع الترتيبات وورد وزهور على شكل قلوب

الفكرة الخامسه (زفة اللؤلؤ والمحار)

زفة اللؤلؤء والمحار: وتكون القاعة كلها ملونة بلونين الازرق والابيض بحيث طاولات المعازيم بالازرق والكراسى بالابيض وتكون الحوائط التى ببداية القاعة مرسوم عليها رسوم بحرية او تلزق عليها اشكال بحرية وتكون حبال نازلة من السقف ومثبت عليها للؤلؤء ومحار وخيوط زرقاء متشابكة نازلة من السقف ويكون الممر مغطى بشباك بحر الى نهاية الكوشة وتكون الكوشة على شكل بحري جدا وتكون الكراسى على شكل محارتين مفتوحتين وتكون كيك المعاريس على كبيرة جدا وفوقها محارات صغار وتكون بين المعازيم للؤللؤء متناثر كثيرا هذا بالنسبة لفاعة الاحتفال وبالنسبة للعرووسة تدخل قبل العروس وصيفات العروس لابسين ابيض ويكون موديلهم لبس حورية البحر ويكون عددهم 6 وويكون 3 على اليمين و 3على اليسار ويكون كل وحدة فيهم شايلة صندوق داخلة لولؤ صناعى اللى يكون رخيص جدا عرفتوة وويمشون وينثرون اللؤللؤء على المعازيم وبعدين تدخل العروس

الفكرة السادسه (زفة اسطورية)

ممكن العروسة تدخل قاعة الفرح في هودج يحمله أربع نساء كانها ملكة من ملكات ألف ليلة وليلة الفكرة دى أكثر من رائعة و انا شاهدتها فى الحقيقة (انا عن نفسى هاعمل الفكرة هذى حق اختى اذا تزوجت وبعدين ترتدي اخوات او وصيفات العروسة زي موحد يكون مثل ملابس الجواري في العصور القديمة.

- أثناء تقطيع تورتة الفرح يمسك كل من العريس و العروسة حمامة بيضاء و يطيروهم . تصلح هذه الفكرة للافراح اللى يكونون بالهوا الطلق وتدخل العروس على اغنية امل حجازى (انا ملكة زمانى ) او اغنية اصالة (من الف ليلة وليلة ) علشان يكون الجووووووووووو ملكى وتفرش الارضيات بسجاد الاحمر الرسمى وتكون شكل الكووووشة على شكل قلعة صغيرة

- و لاكمال الجو الأسطوري تكون دعوة الفرح مصنوعة من ورق البردي ( او الجلد ان توفر) و تكون صيغة الدعوة كأنها فرمان ملكي .

لن ينسى ابدا ضيوفكم هذا الفرح الأسطوري

زفة حورية البحــــــــــــــر..

الفكره تم تنفيذها بعرس ربيعتى الى حضرته الاسبوع الى الطاف.... ببدا اولا بالقاعه بشكل عام وبعدين الكوشه واخيرا الزفه او الحركه..
القاعه:
الطاولات كانت مرتبه بشكل منسق وجميل لون الشراشف كان ازرق وعلى كل طاوله وفى المنتصف , كوب على شكل فاز..كبير..وطويل... تقريبا (40سم)(مخروطى)وبداخله ماى وسمكه ذهبيه..

الكوشه:

الكوشه كانت على شكل احجار بحريه والمرجان والطحالب البحريه..وعلى السقف كانوا معلقين اسماك حوالى(15 سمكه على مسافات متباعده.. الكرسى وهذا كان احلى شى.. لانه الكرسى كان مصمم بشكل حلو بحيث اسفل الكرسى مصمم على شكل حوض سمك.. على فكره ترى الاسماك الى فالحوض حقيقيه ..وطبعا الاسماك المعلقه لزينه..عن تصدقون بعد انها حقيقيه

واخيرا :الفكره او الحركه الى نزلت فيها العروسه....
قبل لا تنزل العروس طبعا اطفؤا الاضاءه وظهروا اربع بنات لابسات لباس الحوريات بشعورهم الطويله... وكانت الفساتين بالون الابيض... ونزلوا من نفس المكان الى راح تنزل منه العروسه مع اصوات البحر ..... وعلى الممر كانوا الحوريات يقعدون ويمسكون ايادي بعض ويتحركون بشكل الارجوحه ما ادرى اذا الصوره واضحه بس علشان يخلون الواحد يتخيل انه بالبحر..وبعد ما يصلون عند الكوشه يقعدون على كرسى العروسه... وبعدها تصعد بنت خامسه بيدها صدفه كبير..بداخلها مسكه العروس...
والحين تطلع العروسه مع قصيده بسمها واسم المعرس... وتمشى وبيدها نجمة... تمشى لين ما توصل عند البيت الى حامله الصدفه الكبيره تسلم عليها(تبوسها وتحط النجمه بالصدفه وتاخذ المسكه.. وتكمل شويه بعدين الحوريات الاربع وحده ورى الثانيه تقوم وتبوس العروسه وتروح.. وما يبقى غير العروس على الكوشه....

ألف ليلة وليلة

الزفه عباره عن مؤثر صوتي حوار يدور بين الجارية التي تنقل للأمير أخبار المدينه حيث تقول له ..

بلغني أيها الملك السعيد
ذو العقل الرشيد
أنه كان في قديم الزمان
وسالف العصر والأوان
بنت بارعة بالجمال
يعجز عن وصفها القيل والقال
ولم يوجد لها في هذا الزمان مثال
ذات طرف كحيل
وخصر نحيل
أن أقبلت فتنت
وأن أدبرت قتلت
تأخذ القلب والناظر
كما قال فيها الشاعر

طبعا هنا لابد من وجود شاعر يصف هذي البنت اللي روت أوصافها الجارية للملك ..

كـان ياماكـان عفـوا ماهـي أسـطـورة.............ولكن قصة من واقـع لكـم اليـوم بحكيهـا
كـان فيـه بنـت آيـه بالحـلا وسـوره....................وجمال الكون ياعالـم كلـه بيـن أديهـا
أذا أقبلت تنحنـي لهـا الـروس معـذوره...............مثـل الأميـره بعرسهـا الكـل يحييـهـا
هــذي ( ) الـلـي للقـمـر صـــوره..........................وربي بهذي الدنيا مافيـه زيـن يضاهيهـا
شعرهـا الأسـود مثـل الليـل بـغـروره...................ورموشها سهام مسلوله تصيب اللي طمع فيها

و طبعا عذي اضافات عالزفه عشان اتكون احلا..

من ناحيه دخلت العروس يكونون واقفين بنتين على جوانب المدخل ومعهم نفس المراوح او المهفات الكبيره زي حقت الجاريات ويبدون يهفون على خفيف على العروس ويمشون معها لين يوصلون الكوشه ...طبعا هذا الشي ينطبق على اللبس وعلى كل حاجه حتى الكوشه نفسها يكون الديكور مطابق للزفه...راح يطلع شكلها حلو بالمره

فكرة زفـــــة الأخبـــــــــــــــــار

وتسمى بدخله الأخبار وهي عباره عن صوت موجة الأخبار ثم صوت فتاه تقول خبر عاجل لقد وردنا هذا الخبر العاجل من مراسلنا بالصاله الفلانيه ولمزيد من التفاصيل معنا مراسلنا
ويتكلم الرجل هنا ويقول لقد تم وصل العروس فلانه في صاله الافراح الفلانيه هذه الساعه حيث هناك تقام الاحتفلات والأفراح بمناسبة زواج فلانه وفلان ..

هذة الزفة من تصميم تسجيلات الرياض

1) مقدمة رياح ورعد
2) مقدمة الف ليلة وليلة
3) صوت شهرزاد بتقول للوالي حكاية الاميرة اللى ناوية تتزوج
4) صوت سوق ومنادي من بعيد ينادي بالناس بأن اليوم سوف يكون خطبة الاميرة وسوف تكون من نصيب افضل شخص يتقدم
5) صوت الحلبة والفرسان يتقدمون
6) يتقدم قريبها في البداية ويذكر ابيات شعرية في طلب الاميرة ولكنها ترفضة باغنية
7)يتقدم الغني ويذكر ابيات شعرية وايضا ترفضة
يتقدم الفتى الوسيم المغتر بجمالة وايضا ترفضة
9) يتقدم القوي والمفتول بعضلاتة وترفضة
10) اخيرا يتقدم الحبيب والشاعر ويفوز بقلب الاميرة
11) ويلتقي العرسان في نهاية الصالة امام الناس
12) تبدا الزفة ويبدأ الغلب معايا تسليط الكشاف وتشغيل مكينة الدخان ومكينة الورق والفلاشات

زفـ ابيات شعريه ـــــه

أقبلت تمشي ومشيتها كنه الخيل ...
ترفل وابوها بالمعزه حماها

مثل المطر شفافة كنها سهيل ...
أو وَجْنَةْ القمرا بعالي سماها

مزيونةٍ فيها النواعس مظاليل ...
كن الليالي ماخذه من مساها

شفَّافةْ الخدّين في غنجها تميل ...
كن النسايم ميّلتها معاها

وجناتها تشبه ورود الأكاليل ...
ورده نديَّه والبنفسج شذاها

دانه ثمينه ما لها من مواصيل ...
تسبي العقول ونايفٍ مستواها

يا ليلة (.......) من شهر (.......) افرحي
ويا ام (.حنان) علي البوارق واسعـدي
ويا نجوم الليل من السما اوراق افتحي
وعليها دوني من احـلـى شـعـر ولحني
(. ) و( )على السماء اكتبي
وفـيهم احـلى ابـيات القـــصايد سجلي
عقود اللولو ومن الياقوت انظمي
على زينة كناري الكون صلي على النبي
ياورد بسبته نثرت احلى زهوري
وانتقيت من الورد فل وكادي وياسميني
واعطيته كل خلاني من شدة فرحتي
بزفة احلى العذارى يا الربع لا تلوموني
هذي الغالية عند كل من عرفها وعندي
اسم على مسمى حقيقة بجد ماهي خيالي
إن شفتها اذكرو الله وصلي على النبي
في احـلـى فـستان ابيض ولولي مـخملي
والجواهر زينة تكمل زينها الأصلي
زينة تكمل بحسنها هندام زيــنة ياهـلــي
هذي ( ) الله يسعدها وين ماتلقي
ويجـعـل لـهـا زوجـهـا حـبـيب وفـــــي
تستاهل الدعـوات مـن قلب ســـخــي
يعـطي من الـلـي عـطـت دون بــخـلـي

يوم أقبلت أحلى عروس صابت الصاله سكون
عم اهدوء كل المكان والكل يناظر زينها
الناس من كثر الجمال ماهي مصدقه العيون
يحسبون أنها ملاك يوم رمشت في عينها
لولا خوفها على الحضور يصيبهم عشق الجنون
كآن ضحكت بشفاتها أو أشرت بيدينها
حرف الميم بداية أسمها معطر بعطر الدخون
يزيدها روعه وحيا ونور وسط جبينها
والنون ثاني حروفها معطيها بهجه مع شجون
النون زودها حلات وزود حلا لسنينها
والألف اخر حروفها يعطيها فن من الفنون
الألف ختام لأسمها منى الله شزينها
الخير طير بقدومها غرد على كل الغصون
الخير كله ياملا في قلبها وفي أيدينها
الورد خدر في كفها من لمسه الكف الحنون

يذوب من لمسه أيدها وعطرها وحنينها
ومالوم أنا الصاله اذا صابها صمت وسكون
مادام منى هي العروس بنسكت ونطالع زينها

من صميم القلب قلت احلى القوافي
اتفنن في حروف اروع قصيده
للعروس اللي لابسه ثوب الزفافي
( اسم العروس) اللي بزينها صارت فريده
اسمها ( اسم العروس) والاسم كافي
لو صاغها الصايغ ضيع نشيده
( اسم العروس) عليها من الحسن والعفافي
شيء كبير اكبر من اننا نجيده
كامله ومكمله بكل الاوصافي
مايزيدها الذهب لمعه هي تزيده
وجهها كالبدر منور وصافي
سبحان من خلا ملامحها فريده
بشوفها تحقق كل الاطيافي
والاحلام بشوفتها تصبح اكيده
فيها جمال الكون بكل الاصنافي
ياعسى ايامها دايم سعيده
من شافها قال رحماك يامعافي
اشهد انها بزينها صارت فريده
من زينها شابت حروف القوافي
مالوم قصيدي لو وقف وريده
( اسم العروس ) بنت ((اسم العائله )) بنت الاشرافي
( اسم العروس )غلاها بين القلب ووريده
ومعرسنا (اسم العريس ) قدره عالي ووافي
( اسم العريس ) بالشجاعه نظرته بعيده
( اسم العريس ) مثل الذهب ومعدنه صافي
( اسم العريس ) الطيب بقلبه دايم ربي يزيده
( اسم العريس )قدره فوق روس الأكتافي
الطيبه بقلب ( اسم العريس ) وربي اكيده
وبختامها قلت احلى القوافي
اتفنن في حروف اروع قصيدة
للعروس اللي لابسه ثوب الزفافي
( اسم العروس ) اللي بزينها صارت وحيده

حركة الشعر صارت قديمة

لكن في حركة جديدة هي حركة الموال ويكون الموال إاما :

1 - قبل دخلة العروس ( وهو الموال الحجازي ) يذكر فيه اسم العروسة وعائلتها والعريس وعائلته )

2 - موال لطلة العروس في البلكونة

3 - بعد نزولها للدرج وقبيل المشية على الجسر

4 - موال للطلة في القاعات التي لا يوجدة فيها بلكونة

والموالات انواع :

1 - الموال الحجازي ويسمى المجس

2 - الموال البناني الجبلي ( مثل موال نجوى كرم للريم بنت الوليد )

3 - الموال الخليجي مثل موال الاميرة ( تصدقين )

4 - الموال الملكي : مثل موال محمد عبده اللي نفذه لاميرة دبي ميثا ( يا سامعين صلو على محمد )

5 - الموال الترحبيبي وهذا يكون بكلمات خاصة وتاليف جديد حسب مناسبته ورغبة العروس كان يكون موال ترحيب باهل العريس او او اهل العروسة او غير

افكار لزفات العروس 2012، افكار زفات عروس جديدة 2012

الناقل : loaa | الكاتب الأصلى : صادقة الغلا | المصدر : www.forum.hooriat.com