فارس احلام البنات فى ليلة هادئة والقمر فيها بدر مكتمل اتمشيت لحد ماوصلت على البحر لاقيت كرسى جميل ومريح قعدت سرحت بخيالى وبصيت للسما وفضلت افكر افكر اية اكتر حاجة بتمناها لا قيت حاجات كتير اوى بتمناها ليا ولعايلتى ولاصحابى وزى اى بنت فى الدنيا اكيد فكرت فى فارس الاحلام واتمنيت يكون فية صفات كلها خاطفة للقلوب تخلينى مشوفش غيرة وميعجبنيش غيرة يكون منفرد من نوعة مثقف يدينى دفعة دايما زوقة راقى فى اللبس دماغة مصحصة ويقدر ياخد قرارات سليمة مية فى المية يظهر للناس بابهى صورة يدينى مساحة للتعبير عن راىى يصفنى باجمل الصفات يكن خيالة واسع مقنع متواضع طموح مؤلف عظيــــــــــــ ـــــم ودورت فى كل الناس اللى اعرفهم او المعروفين بطبيعة الحال لا مش ممكن مش مصدقة نفسى لاقيت فارس احلامى لاقيتة لاقيتة كان قدامى من زمان وماكتشفتوش ميهمنش بلدة ولا سنة ولا لونة ولا اسمة صفاتة الرائعة تغنينى عن اى حاجة كل المميزات دى متجمعة فى شخص واحد واحد بس القذافى مثقف(المراءة تلد والرجل لايلد) يدينى دفعة دايما(الى الامام الى الامام) زوقة جدا راقى فى اللبس دماغة مصحصة ويقدر ياخد قرارات سليمة مية فى المية(تدخل امريكا لحل الازمة) يظهر للناس بابهى صورة(التوك توك) يدينى مساحة للتعبير عن راىى(ثورة ثورة) يصفنى باجمل الصفات(جرذان) يكون خيالة واسع(سبب الثورة حبوب الهلوسة) مقنع(انا زعيم ليبيا وافريقيا وامريكا) متواضع(الثورة تعنى المجد تعنى العزة تعنى معمر القذافى)!!!! طموح (تمشى المراءة وراسها مكشوف محدش يعاكسها) مؤلف عظيــــــــــــ ـــــم(الكتاب الاخضر) وبكدة ااقدر اغنيلة وبكل ثقة اغنيتى المفضلة حبيبى اللى بحبة مشفتش زية حد