مـحـظـوظـة

أخيراُ ابتـسم لي الحظ .. أنا بالفعل محظوظــه

ترى مثلك بهالـدنيا صعب ألقاه يا عـمري

أكيد تظــن أنا أحبك؟؟ .. أقولك بـس ملحوظه؟

تراني ما أحبك بس . . تراك مشيبٍ فكري

أحبك حب إنساني .. أنا ما أحب على الموضـه

مـن أول ماعرفتك .. وانت ساكن في وسط صدري

عليك آمر وأدّلع كأني طفـله بالروضـه

أحب أتشبث بأي شـي..أشوفه واضحك..وأجري

وأتغلى ..أبي لعبه .. أبي فستان ..أبي بوضه

أحب ألعب أنا بحضـنك .. وانتـه تلعب بشعري

وجع.حسره.ألم وجـروح إهي عادات مرفوضـه

أبد مافـي أحـد يقدر يلوث جـونا السحري

تريد الناس تبعدنا ؟ شو حبنا عنـدهم فوضه؟

تراهم .. ما احسبوا قدرك .. ولاهـم يحسبوا قدري

أبد لا تخاف ياروحي ترى الأسرار محفوظـه

أجل والله ما أسيبك ولـو جسـمي وســط قبري