مش حب صادق

بتقولي اتمناك ... وقلبي بيهواك ... ونفسي اعيش وياك ...

بس مستحيل ابقي معاك ... وبرضو عمري ماهنساك ...

ازاى بتقولى روحى فداك ... وكل حياتى ملك يداك ...

والدنيا مابتسوي بدون هواك ...

وانت مش قادر تحارب حتى نفسك عشان اكون معاك ...

مش قادر تتحدى ظروفك ... وتخرج مرة من خوفك ...

وتحل مشاكلك مع نفسك ...

وتخطفنى من كل العالم ... وتحبسنى جوة قلبك ... وتعيشنى جنب منك ...

وماتبعدنيش لحظة عنك  ... عشان اكون ليك و معاك ...

بقي دة حبك ليا ... ولاهى مجرد انانية ...

تعلقنى بيك ...

وتخلينى اعيش عمرى ليك ... عشان تسهرلى عنيا ...

وتعذب قلبي فى لياليا ... وتشغلى قلبي وبالى معاك ...

ماتعملش فيها ملاك ... انا مستعدة اتحداك ...

انت عمرك ماحبتنى ... ولاحتى فى يوم هاوتنى ...

انت يدوبك اتمنتنى ...

حبيت بس تملكنى ... وتحيرنى وياك ...

وهتثبتلك الايام ... وهتثبتلى انا كمان ...

انها مجرد اوهام ...

وان حبك ليا مش حب صادق دة مجرد حب امتلاك