سوال من الراس

ياناس انا عندي سوال من الـراس

ودي بحله كـان لـه حـل هاتـوه

ياويش ياهل العرف مجموعة اقواس

واللـي وسطهـا كنكـم ماقريتـوه

لا يجلب النفعه ولا يذهـب البـاس

افضل منه لو كان كتبـه محيتـوه

فيه الرجا مقطوع من جملة النـاس

لكن خساره عـاد لـو ماعرفتـوه

وصفه يخلي صافي الفكر يحتـاس

لاقبلهـا يذكـر ولا قـد سمعتـوه

على الطبيعه للبشر منه وسـواس

حتى ولو شفتـوه قلتـو لمحتـوه

يعني كذا مخفي وظاهـر وينـداس

لـو تاجدونـه كنكـم مالقيـتـوه

تقول مدسوسٍ ورى حمر الاطعاس

علـى مزاجـه لابغاكـم طرحتـوه

من يملكه ظنه ملك قطعت المـاس

من يملكه من جد مبلـي ومعتـوه

فصلت له ثوبٍ من الشعر بقيـاس

ولاضنتي وصفـه بقافـي فهمتـوه