والعود يضهر طيبه امـن احتراقـه
الناقل :
mahmoud
| الكاتب الأصلى :
محمد بن سعيد الذويبي
| المصدر :
www.alsh3r.com
والعود يضهر طيبه امـن احتراقـه
ياليـل مالـي فاكثـر النـوم فاقـه
نومـآ ينسينـي حياتـي مـريـده
نوم الصقرفوق الغصـون الدقاقـه
ولاعلى روس الصخـور العنيـده
ونوم الحبـاري بالرمـال الرقاقـه
وتحـس فيهابالحيـات السعـيـده
ونوم العيـون النعسـات ابرواقـه
اقلوب مرتاحـه وعيشـه رغيـده
هذي الخواطر مانشت عن حماقـه
فيها من الواقـع نصايـح مفيـده
اول نصيحه مـن يخـون الرفاقـه
سوات مصـاص الدمأمـن وريـده
وثاني نصيحه من كسرعضم ساقـه
لوبدلـه بمئيـة عضـم مايفـيـده
وثالث نصيحه من توضـح نفاقـه
لوتاب عـن درب الـردا يستعيـده
لوتامنـه فـي سرمكنـون بـاقـه
له برداء والحسـد رغبـه شديـده
يكفيك عن قرب المنافـق افراقـه
ومابينكـم خـل المسافـه بعـيـده
وليا مـع امثالـه قطعـت العلاقـه
لاتحسبـن الله يضـيـع عبـيـده
ولاتمشي الطرقـه بقطـاع ساقـه
نفسآ تموت ابعـز تبعـث شهيـده
واليا تعرضـت المشاكـل عشاقـه
لاشـك تبديلـك مشاكـل جـديـده
ونصحك لاتفتـح للاريـاح طاقـه
وتجيب الك معها بـلاوي عديـده
وعسل النحل غالي وحلون مذاقـه
مير النحل يلدغ يدي مـن يصيـده
والعود يضهر طيبه امـن احتراقـه
وان هبت الريـاح النقيـه تزيـده
والصدق بين الناس اساس الصداقه
والكذب عنـوان اختـلال العقيـده
والحريشتـال الحمـل والعـلاقـه
واللاش عن تاج الشرف تقصر ايده
يابعـد راع الاولـه عـن لحاقـه
رغم اجتهـاد الطـارده والطريـده
لالـى جمـل فيهـا ولالـى ناقـه
لكـن تدفعنـي دوافــع سـديـده
كلآعلـى كيفـه يرتـب اوراقــه
قلتـه وفيماقلـت بيـت القصيـده