من عيوني

من عيوني لو تبا عيني

بس عينيك ما اسهرها

يامليك الحسن والزيني

عنك نفسي كم اصبرها

من كثر شوق سطى فيني

كم من الاشواق أنهرها

لك غلا داخل شراييني

تمتلك روحي وتامرها

حبك بقلبي من سنيني

يا أعز الناس وأخيرها

كل ليله طيفك يجيني

يسهر بعيني..يسامرها

روف بي واشعر وحس فيني

عالج جروحي وجبرها

بس يكفي لا تشقيني

منك عيني لا تسهرها

خلها تنظرك كل حيني

انت ساكن في محاجرها

انت عيني يا بعد عيني

بس عينك ما اسهرها