السلام عليكم ورحمه الله وبركاته اشكر اداره هذا المنتدى العملاق والاعضاء الموجودين لجهودهم في مساعده كل من يبحث عن استشاره وبما اني استفدت من خبرات الذين سبقوني الى فانكوفر عن طريق هذا المنتدى حبيت ان افيد اخواني الذين يريدون السفر اليها انشاءالله خصوصا والصيف على الابواب وأي استفسار انا حاضر . والرحله كانت في الصيف عام 2008 م على الخطوط السعوديه الى لندن وعلى الكنديه الى فانكوفر وكانت الكنديه افضل بميه مره من الخطوط السعوديه الكراسي اكبر والطياره جديده . سبق و نزلت من ثمان الى عشر صور تقريبا وانا في فانكوفر وكان التعليق بشكل مختصر جدا ولكن انشاء الله الموضوع هذا بيكون اوسع بكثير يعني لاتستغربون اذا استعنت ببعض الصور الي قد نزلتها من قبل . وكانت رحلتي في بدايه الاجازه الصيفيه والغرض منها تعلم اللغه الانجليزيه بالدرجه الاولى والسياحه بالدرجه الثانيه وكانت مدة اقامتي هناك شهرين ونص تقريبا واقمت عند عائله مكونه من اب وام فقط. وبصراحه الديره حلوه وتستاهل الزياره وهي مدينه ساحليه و سياحيه من الدرجه الاولى وفيها اماكن الترفيه والمنتزهات والمتاحف والمتاجرالعالميه وبامكانك ممارسه انواع كثيره جدا من الرياضات . اول ويك اند (عطله نهايه الاسبوع) رحت انا والعايله على سياره ابو العايله الى مكان نسيت اسمه و بصراحه حلو جدا عباره عن نهر واشجار وطبعا براد وانا عاد مالي الا اقل من اسبوع جاي من الرياض ووجهي منحمس من الشمس والله واجلس على الحصى الي على النهر واستمتع بمنظرالماء واسمع صوت الشلالات والجو غيوم وكل شوي ينزل رذاذ وخذ ياهواجيس وتفكير وقالو لي العايله تعال نكمل لفتنا على المنتزه ونوريك احواض الاسماك قلت في نفسي الاسماك لاحقين عليها في الشرقيه بس حاكني عن هذا المكان وين بلقاه . انا بقعد هنا واذا خلصتوا ورحتوا للسياره اتصلو علي وانا اجيكم عند السياره . وبعد ما ركبنا السياره ومشينا تقريبا كيلوين واطالع على اليمين الا هذا الجسر العملاق (كابيلانو برج) –(جسر كابيلانو) واتذكر اني قريت عنه في المنتدى وحاطه في بالي من الاماكن الي لازم ازورها فلما شفته قلت لهم وش رايكم نروح له قالوا احنا قد زرناه اذا تبغى نحطك وترجع على الباص. والله وانزل واقص تذكره دخول ب 28 دولار يوم شفت السعر كذا عرفت ليش قالو احنا قد زرناه، وهو عباره عن جسر معلق عالي جدا بين ضفتين وتحتك نهر يمشي امتداد النهر السابق وغابات واذا وصلت للنهايه فيه استراحه فيها كراسي وكشك يبيع كابتشينو وكوفي، بعدين ترجع ثانيه. وهذا الكيس الخاص بالمطر اخذته وانا طالع من المنتزه لكن بعد ما ترطبت ملابسي ولكم اجمل تحيه,,,,, موعدنا في الجزء الثاني انشاءالله