* وصفة مصوره *الحمام المحشى و الرز بالكبد و القوانص
الناقل :
SunSet
| الكاتب الأصلى :
مى مودى ميز
| المصدر :
www.lakii.com
حمام و رز بالكبد و القوانص
الحمامه بتاخد تقريبا نص كوب ارز
بنغسل الحمام كويس جدا
نسيبه يتصفى و يستحسن ننشفه كمان
و بعدين ندعكه بملح و فلفل اسود من برا ومن جوا وممكن نزود بهارات تانيه لو حبيتو
بناخد بعد كدا الرز و معاه حوايج الحمام اللى هى الكبد و القونصه و معاهم بصلة كبيرة
بندبل البصله فى شوية زيت و نحط معاها الكبد و القوانص بعد ما نقطعهم و نتبل الخليط دا بالملح و الفلفل
وبعد كدا بنديهم غلوة و نضيف الارز بنسيبه يتشرب لمدة خمس الى سبع دقايق"يعنى بيكون نص سوا"
بعد كدا بنطفى و نسيبه يبرد شويه
و بعد كدا بنحشى بيه الحمام من جوا وبين الجلد و الصدر و فى الرقبه
بعد كدا بندخل رجلين الحمامه تحتها او بنكتف الرجلين و نربطهم بخيط وكمان بنقفل فتحة الحمامه بخلتين عكس بعض عشان الرز ميطلعش برا
او فى ناس بتخيطها
بنحط الحمام فى ماء مغلى معاه بصله و كام فص حبهان و فلفل اسود و ملح
لمدة نص ساعة
بعد كدا بننشل الحمام و نسيبه يهدى شويه و بعد كدا بنحمره اما باننا بنعمل
بشر طماطم مع ماء بصل و ملح وفلفل و نحطه تحت الشوايه
او بنحمره فى الزيت و بعد كدا نرش عليه شوية ملح وفلفل اسود والف هنا وشفا
بالنسبة للرز بالكبد و القوانص
فزى ما عملناه مع الحمام او بننزله مع الكبد و القوانص يتقلب معاهم
وانا كنت جايبه كميه اضافيه مخصوص عشان اعمل بيها الرز الجانبى
طبعا بنكون مقطعين الكبد و القوانص بحجم صغير
و بنزود الشوربة او الماءو نسيبه يغلى غلوة و نهدى النار لغاية تمام النضج
ادى الطبق
ودا اللى اتبقى منه