كيكة البراوينز للشيف .. بيرفوت كونتيسيا ..

الناقل : SunSet | الكاتب الأصلى : suzy79 | المصدر : aarabladies.com

 

كيكة البراونيز



وصفة للشيف : بيرفوت كونتيسيا..
كيكة كلاسييكية أمريكة الأصل
مميزة وغنية جداً بطعم الشوكولاتة

قبل مانبدأ

نفتح الفرن على 175 درجة مئوية



المقادير..~




طريقة آلتحضير..~

نجهز الحمام المائي اللي راح نذوب فية الشوكولاتة والزبدة..



450 غرام زبدة
170 غرام شوكولاتة مرة
450 غرام شوكولاتة شبة محلاة

نقطع الزبدة لقطع صغيرة ونفرم الشوكولاتة..
ونخليها بالحمام المائي لحد ماتذوب وتخطلط الزبدة بالشوكولاتة
في هالوقت.. راح ننخل




كوب طحين+ ملعقة كبيرة باكينج باودر+ ملعقة صغيرة ملح
نخليهم على جنب

بعد كذا
راح نستعمل وعاء واسع شوي..
ونضيف فية



_ 6 بيضات
_ كوبين وربع سكر
_ 2 ملعقة كبيرة روح الفانيلا
_ 3 ملاعق كبيرة نسكافية..

ونخلطها بواسطة المشبك اليدوي..ونشوف الشوكولاتة إذا ذابت نضيفها لخليط البيض ونخلط المزيج .



اللحين نضيف عليهم الطحين ونخلط بملعقة السباتيول لحد مايختفي الطحين..




نجي للأضافات..

الوصفة الأساسية تحتوي على حبيبات شوكولاتة وجوز..
أنا هنا مأضفت الجوز..
بصراحة ماأفضل طعم أي نوع من المكسرات إذا كان رطب..
فاللي حابة تضيف مكسرات
راح تحتاج:

340 غرام شوكولاته هيرشي كيسز و3 أكواب جوز..
نضيفة لمزيج البراوني ونخلط لحد مايتداخلون كويس مع الخليط..



" إضافة مهمة "


قبل ماتضيفين الحبيبات والجوز قلبيهم بشوي طحين عشان ماينزلون لقاع الكيك..


نجهز صينة مقاسها 31 سم × 45 سم
وندهنها بزبدة ونرش عليها شوي طحين



نصب الخليط ونساوي سطحة..ونخليها بالفرن بحدود 35 الى 40 دقيقة..
بعد ماتطلع الكيكة من الفرن نخليها لحد ماتبرد وتقطع ..



مع الأيسكريم عالم ثاني