ازيكم يا أحلى فتوكات يارب تكونوا كلكم بخير والحمد الله انا بقى سمعت من كام يوم كده فى برنامج للشيف الشربينى واحده بتساله عن طريقه تسويه المحشى... أنا بصراحه للامانه يعنى لسه ماجربتهاش بس هى عاجبتنى لانى فعلا كنت بعانى ان المحشى بتاعى طرى شويه كده وكان دايما جوزى يقولى محشى مامتى كان بيقبى ناشف عن كده مع ان بصراحه حماتى بتسويه بنفس الطريقه بتاعتى والله بس هتقوله ايه بقى ماهى اصلها عاده المهم... لما سمعت بقى رد الشيف الشربينى عليها قلت طب والله دى فكره كويسه وان شاء الله هجربها المره الجايه بس حبيت برده اقولها للفتوكات حبايبى يمكن تكون واحده جربتها وتقولى برده خبرتها فى تسويه المحشى عشان يطلع ميه ميه وزى الفل قالها ايه بقى ....؟؟؟؟؟ قالها طبعا لازم يكون فى فرشه فى اخر الحله سواء بقى بطاطس او كرمب او حته ورق فويل ماشى ده مفهوم.... الجديد بقى انه قالها تحطى كوبايه شوربه واحده وغطى الحله وسيبيها مع نفسها المحشى هيعرق من البخار وهيستوى مع بعضه من غير ماتكون فى ميه كتيره فى الحله وتستنى لما تتشرب زى الرز كده قالها الطريقه دى احسن طريقه عشان المحشى مايعجنشى ويكون سواه مزبوط وماسك نفسه كده.. ايه رايكم بقى فى الطريثقه دى....؟؟؟؟؟ ياترى حد جربها وياريت الى عنده اى خبره فى تسويه المحشى يقولى وكلنا نستفيد يا قمرات اختكم لمى