تعاهدني؟!

تعاهدني تِظـلْ قُربـي لآخر يـوم بانفاسـي؟

وتبقَى لي سَنَـا دربـي تِضَوِّي زيتْ نِبراسـي؟

تعاهدني علـى حبّـي وتَافي يا بعدَ راسـي؟

على عهدي شهَدْ ربـي صدوقٍ والوِفا سَاسـي

و غيركْ ما سكَنْ قلبي وكيفْ انساكْ يا الناسي؟

****

يَكَمْ ليلٍ شِـوى جَنبـي على لاهُوبِ وِسواسـي

ولا ني عـارفٍ ذنبـي أضَرِّبْ خَمسْ باسداسي

ألومْ القلبْ مِن كَربـي ويِملا لي الشِّقا كاسـي

****

إذا هَبْ الهـوا غَربـيتناثر دمْـعِ إحساسـي

يكاشفني وانا اخبّـي!! وَالَمْلِمْ حِبـر كرّاسـي

تعال! اقربْ هِنا جَنبـي وبـرِّدْ نـار أنفاسـي

ولاَجْلِ الوِدْ ترفّقْ بـي وخَلْ الهجرْ يا جاسي!