مساء الخير

مساء الخير يا أحلى من احلامي

معاك اغرس ورود الطيب بايّامي

جنوني إنت .. يا خمري وتهيامي

أبي بسمه تطفّي جمـر آلامـي

مساء الورد يا حِلّـي وترحالـي

بقربك زانت علومي وأحوالـي

وعقب المر برشف شهدها الحالي

أبي هالزين يصفى لي أنا لحالـي!

مساء الشوق يا طبّـي وترياقـي

تعال اسمع خفوقي يعلن اشواقـي

وناظر لهفة الاشعـار باوراقـي

واذا خانوك خلاّنك أنا الباقـي

مساء العشق يا ساكن بوجدانـي

لك اعزف أعذب انغامي و ألحاني

ومهما عنك تبعدنـي وتنسانـي

أظل وافي ويبقى الصدق عنوانـي