لو الايام تسعدني

كمل حسنك ونوره شع كما شمس(ن)علـى الخديـن

تبارك من رسم وجهـك وزاده شامة(ن)مـع خـال

أنا ما اظن خلق ربـي علـى زينـك أبـد أثنيـن

تدلّل يـا الحـلا كله!يذمّـك حاسـد(ن) مـا نـال!

أنا قلبـي علـى قلبـك! عجيبـه انـكِ تشكيـن!!

نقشت الحرف مـن أجلـك وكنتـي نغمـة المـوال

له الله قلبي المسكيـن! يصـارع بالهـوى إسنيـن

خويّ الليل !سمير النجم! ولا يوم(ن) صفا له بـال!

صدوق(ن)ما عرف حيله ولا يلعب علـى الحبليـن

اذا حبك فهي منوه! تمسّك واحضنـه فـي الحـال!

ليالي البعد تطوينـي وليـل الصـبْ بهـا ليليـن!

اعد النجـم مـن همـي وأشكـي لعبـة الاحـوال

هلا ابطيفـك شفـى قلبـي وخفـف لوعـةٍ للبيـن

ينـوّر ليلتـي خــدّك ويبـسـط للهوى إحـبـال

///

أقرّب منـك! أصافـح ثغـر بسماتـك بـلا كفيـن

وبان الصبح وصار الطيف مجرد حلم مـا ينطـال!

لـو الايـام تسعدنـي أجيلـك طايـر(ن) ألحيـن

ترى قلبي على عهده وعـن حبـك أبـد مـا مـال

///

كذا الدنيا تسـر الرخـم ولا تسـأل عـنِ الطيبيـن

غصب عنها! لزور ارض الهوى وارشف بها فنجال