خاص : انسحاب آسر ياسين واحمد عاطف من مهرجان الصورة
الناقل :
SunSet
| المصدر :
www.mahatetmasr.com
ازمة جديدة بطلها المركز الثقافي الفرنسي في القاهرة قبل كام يوم من بداية مهرجان الصورة السادس اللي هينظمه المركز الازمة بدأت بعد اعلان المخرج احمد عاطف انسحابه من لجنة التحكيم بعد اكتشافه وجود فيلم اسرائيلي في المسابقة
وفي اتصال هاتفي مع المخرج احمد عاطف قال انه اكتشف وجودفيلم اسرائيلي مشارك في المهرجان ومخرجته اسرائيلية وكانت بتشتغل مونتيرة في الجيش الاسرائيلي وانا موقفي واضح من التطبيع لأن المواطنين الاسرائيليين هما اللي اغلبيتهم انتخبوا الحكومة الاسرائيلية اللي بتمارس القتل والعنف ضد الفلسطنيين فكتبت بيان اعتذار للمركز و ذكرت السبب وبعد ساعة اتشال الفيلم من المهرجان بس النهاردة اعلن المتحدث الرسمي باسم الخارجية الفرنسية دخل الفيلم في المهرجان وده طبعا بعد ضغط اللوبي الصهيوني القوي اللي قالوا عليا برضه اني معادي للسامية مع اني في البيان قلت اني بحترم اليهود واليهودية وجعلوني كبش فدا وانا اخدت الموقف واجري على الله
نفس الموقف ده عمله اسر ياسين اللي اكد في اتصال هاتفي معانا انه رفض الاشتراك في لجنة التحكيم بسبب الفيلم الاسرائيلي
ونفس الامر عمله المخرجة كاملة ابو ذكري والمخرج عمرو بيومي و المركز القومي للسينما و معهد السينما وسحبوا افلامهم