على طاري النشاما وبسم الله الواحد الأكبر + لفيت اليوم بأبياتي وعنيت أغير القيفان على طاريك يالشاعر يفوح العود والعنبر + وتكبر في عيوني زود يالشامخ يا عالي الشان تغيب أيام بأشعارك وأنا ارقب واتصبر+ وعندي للعرب أثمان سوى قدرك بدون أثمان رفيقي جيت أشاكي لك من الدنيا واتخبر + وش اللي صابها قلي وش اللي غير الإنسان أشوف أيامنا رخيصة على عكس الزمن الأغبر + وأشوف اليوم نكران الذي عاملتهم بإحسان وأشوف الطيبة هالأيام بقدر المصلحة تكبر + وأشوف أهل المصالح كنهم فرسان فالميدان إذا ماله غرض عندك تشوفه مر ولا عبر + واذا سلمت حاول يبتعد عنك قدر الإمكان يظن انك من أمثاله في وقت المصلحة مجبر + تقرب صوب من تحتاج له بأسلوب الإتقان واذا جت حاجته عندك تشوفه يهلل يكبر + نطق (لا يغرك سكوتي أنا أعزك ترا يا فلان) أشوف المشكلة هذي في كل يوم هي تكبر + وأشوف كثير من حولي وملامحها هي الخذلان وصلت لأخر أشعاري وكان القصد اتخبر + عن الإنسان وش صابه ومنك اترقب التبيان عزمت أني أشاكيلك وأظنك أفهم وأخبر+ وتبقى شاعري لا هنت وكل من مر بعد لا هان