فد يوم واحد انضم للجيش العراقي الجديد فصاح علية الضابط ديختبرة يعني ايشوف الحالة النفسية مالته فكلة:ـ اذا جاك جندي من العدو شتسوي؟ رد علية الجندي الجديد كلة :ـ سيدي اضربة طلقة واكتلة بمكانة الضابط :ـ عفية بيك ـ زين اذا اجاك خمس جنود؟ الجندي :ـ سيدي احط الرشاشة على الصلي واخرطهم وذا بقى واحد بيهم اطلق علية رصاصة الرحمة واموتة الضابط :ـ عفية وليدي انت بطل.زين وذا اجاك عشر جنود؟ الجندي :ـ سيدي اطشر خمسة رمانات واحط الرشاشة على الصلي وخرطهم وذا بقى واحد عايش اضربة رصاصة الرحمة وموتة الضابط :ـ ها شنو انت ماكو مثلك ـ زين اذا اجاك عشر جنود و ياهم دبابة؟ الجندي :ـ سيدي اضرب الدبابة باربيجي وبعدين اطشر خمس جنود برمانة واحط البندقية على الصلي وخرطهم وذا بقى واحد عايش بيهم اضربة رصاصة الرحمة وموتة الضابط :ـ انت ذئب امعط عفية بيك. زين اذا اجاك ثلاثين جندي وياهم دبابتين و طيارة اباشي شتسوي؟ الجندي??????????????? :ـ سيدي اخلي رصاصة الرحمة براسي واموت نفسي من طاح حضة الهيج جيش شنو وحدي بساحة المعركة