الارتواء هو الي بنوصله لو تمكنا من الاربع مكونات للشخصية و دا الي بيخلي حد يموت سعيد بالي عمله في حياته....هدفنا في الحياة هوالارتواء
الحدود الشخصية هي الي بتخليك قوي
قدرتك علي اتخاذ القرارات هي الي بتخليك حر
قدرتك علي التفكير و الابداع و ذكاءك يوصلك للنجاح
طاقتك العاطفية و سيطرتك عليها هي مفتاح السعادة
اي مشاكل في حياتك او مع النسوان حنلاقي حلها في الاربع حاجات دول...مشكلات متعلقة بالسعادة او الحرية او القوة او النجاح...معندكش قوة او فاشل او مفيش حرية الي اخره
الحدود الشخصية عبارة عن حدود زي حدود البلاد بالظبط...عبارة عن تانك بيحتوي علي كل مواردك السيكولوجية زي ما هو باين في الشكل المرسوم... الموارد كمان حنفهمها عن طريق ما يعرف بنظرية السلاسل....كل حاجة من الحاجات الاربعة موجودة علي سلسلة بتنتهي بحاجة و عكسها ...لو قدرت تتعلم تسيطر علي النهايتين بتوع كل سلسلة حتسيطر علي كل مشاكلك مع النسوان و حنلغي باب استشارات تظبيطية لانك مش حتحتاجله بعد كدة
نهايات سلسلة الطاقة العاطفية السلبية هي الغضب علي ناحية و الناحية التانية القلق و النقطة الي بتنصف السلسلة اسمها التعادل
نهايات سلسلة الطاقة العاطفية الايجابية هي الرفاهية و الثقة بالنفس والنقطة المنصفة هي السعادة
نهايات سلسلة التفكير و الذكاء هي العلم في النص الايسر من المخ و الخبرة في النص الايمن من المخ و النقطة المنصفة هي العبقرية
نهايات سلسلة القرارات هي الحدس و الضمير (الاخلاق) و النقطة المنصفة هي الحكمة....رجاء انظر الاشكال المرسومة لفهم المقال
اجابة اي سؤال عن اي مشكلة في التظبيط او غيره موجودة بين نهايات السلاسل دي...لو بصينا لاي مشكله حنلاقيها اما عبارة عن ضغط عصبي( طاقة عاطفيه) او عدم وجود حرية( مشاكل في اتخاذ القرارات) او فشل( مشاكل في التفكير)
يوجد نوعين من الضغوط العصبية...اما فقدت حاجة او حد جرحك
عدم وجود الحرية او احساسك انك مخنوق اما لانك معندكش حدس او معندكش اخلاق
الفشل اما نتيجة عدم وجود العلم او الخبرة
احنا بنواجه المشاكل باعتزازنا بنفسنا و قدرتنا علي اتخاذ القرار و ذكاءنا
حنتكلم عن اول حاجة و هي الحدود الشخصية....الحدود الشخصية ي الخزان الي بيحتوي كل مواردنا النفسية....
حنبدا بالسيطرة....دايما في اي مشكلة نواجها في جزءين...جزي جوا حدودنا الشخصية و دا تحت سيطرتنا و جزء برة حدودنا الشخصية و دا خارج سيطرتنا.....اول خطوة لحل اي مشكلة انوا يكون عندنا حدود شخصية سليمة و هي الي بتخليك تشوف الجزء الي انت بتتحكم فيه من المشكلة و الجزء الي خارج نطاق سيطرتك...باختصار الي تقدر عليه اعمله و الي خارج نطاق سيطرتك سيبك منه...عرفتوا ليه انا دايما بقول نفضوا للبنات الي بينفضولكوا...لأن حبها ليك خارج نطاق سيطرتك
كل مشكلة لها حل و المشكلة الي ملهاش حل الحل ان احنا ننساها شوية
يعني ايه معاناة : المعاناة هي حرق طاقة عاطفية علي اشياء لا يمكن السيطرة عليها
اي حاجة جوة حدودك الشخصية انت مسيطر عليها زي شكلك و جسمك و شخصيتك...اي حاجة برة حدودك الشخصية غالبا متقدرش تسيطر عليها زي الطقس و المطبات الي في الطرق و النسوان
مثال علي المعاناة اكنك في عربيتك و اشارة مقفولة...دا خارج حدود سيطرتك..ناس كتير بتتنرفز و تعد تحرق في دمها بسبب الاشارة و دي حاجة متقدرش تسيطر عليها.....عاوز تنهي معاناتك متحرقش طاقتك علي اي حاجات خارج نطاق سيطرتك
لما بتعاني...بتعاني لان فيه ثقوب في حدودك الشخصية...اكنك عربية تانك البنزين فيها مخروم و عمال تفقد وقود...الثقوب في حدودك الشخصية هي الاماكن الي انت عندك فيها مشاكل انك متقدرش تقول لا او تسمع كلمة لا
كلنا عندنا مشاكل في حدودنا الشخصية علي فكرة..محدش مننا حدوده سليمة مية في المية...نقاط ضعفنا هي ثقوب في حدودنا الشخصية.....لو حدودك فيها ثقوب هويتك مش حتبان و حيبقي فيها مشكلة
الحدود الشخصية هو الي بتديك تفضيلات...لا للقطط و نعم للكلاب...لا للعربيات الدايو و نعم للعربيات الهيونداي....لازم يكون عندك تفضيلات...نعم للبنات الطويلة و لا للقصيرين
عشان كدا الستات بتحب الواد الي عنده تفضيلات..انا مصاحبش غير البت الحلوة مثلا...و عشان كدا احسن كلمة تقولها للست هي لا....لان الست دايما بتمتحن حدودك الشخصية عشان تشوف فيها ثقوب و لا لا.....لو اختبرتك و لقت حدود شخصية قوية حتثق فيك لو لقت ثقوب حتنفض لك
جوة الحدود الشخصية عندنا دهبنا....الي هو اعتزازنا بالنفس و القرارات و الذكاء....لو في ثقوب في حدودك الحاجات دي حتهرب منك...اكنك عندك قلعة دهب و سلب الشبابيك مفتوحة....عشان كدا البنات تستغلك تخرجهم و تصرف عليهم دم قلبك لان حدود الشخصية مخرومة عشان مبتعرفش تقول لا و معندكش تفضيلات
ساعات كتير بنات تقولي انا بكره صاحبي لانه بيديني كل الي انا عاوزاه...لو اديت البنت كل الي هي عاوزاه في الاول دا بقتل النجذاب
رفض البنت ليك بيخليك اقوي لو كبرت دماغك اكنك مترفضتش خالص
كتير منكوا يقولي انا عاوز البنت دي بالذات...طيب يا اخوانا مش الي عاوز بنت بالذات تحبه بيحاول يحط هدف جوة حدودها الشخصية مش حدوده هو...و كدا البنت هي الي بتسيطر ....عشان كدا دايما بقول ظبط حدودك الشخصية الاول لان دي هي الي داخل نطاق سيطرتك...طز في البنات المهم مهاراتك الي حتجذبهم بيها
الحدود الشخصية كمان هي درع ضد الضغوطك العصبية....ببساطة شديدة تقدر تقول لا للضغوط العصبية...الضغط العصبي هو طاقة عاطفية سلبية اما خسارة حاجة او حد جرحك اي ضغط حيكون حاجة من دوول...فاتورة تلفون غالية دي خسارة...شتيمة دي جرح...الطلاق ممكن يكون الاتنين
الحدود الشخصية هي اول خط دفاع ضد الضغوط العصبية...عمرك قلت لحد انت بتعصبني...محدش يقدر يعصبك الا لو انت سمحتلو...لو عندنا ثقوب في حدودنا حنخلي الناس تستغلنا و نبقي اكياس جوافة...
يا تري احنا تقدر نسيطر علي الماضي ..طبعا لا...يبقي لما بنندم علي حاجات في الماضي...احنا بنعاني و بنحرق طاقة علي اشياء خارج نطاق السيطرة....طيب و المستقبل...اكيد احنا مش بنسيطر علي المستقبل .....برضو لما بنقلق علي المستقبل دا معاناة ...الغيرة هي معاناة من المستقبل...و الانتقام و الثأر معاناة علي الماضي