تخيلى لو ابنك يتيم
الناقل :
elmasry
| الكاتب الأصلى :
روفى
| المصدر :
forum.wahati.com
السلام عليكم
أخواتى الحبيبات
انا اسفة لو العنوان صعب شوية بس والله غصب عنى
بس تخيلى معى فعلا لو انتى وزوجك لا قدر الله حصلت حادثة ومتوا؟
ايه اللى هيحصل لأولادكم؟
هل الاقارب والاهل سوف ياخدوا أولادكم عندهم؟ طيب ومدة أد ايه؟ شهر شهرين سنة سنتين؟ وبعدين
هيزهقوا منهم فى الاخر ومن مشاكلهم ومصاريفهم................................
معلش مش كل الناس تستحمل تربى ولاد غيرهم
هذا اللى بيحصل يا جماعة لناس كتيرة جدا وأولادهم فعلا بيتشردوا وفى الاخر بيروحوا ملاجئ الايتام
يا جماعة هناك فى الملاجئ دى مهازل بتحصل لأن معظم هذه الملاجئ بتبقى حكومية والناس اللى شغاليين فيهم بيبقوا موظفين لا أكثر يعنى بيتعاملوا مع الاولاد كمجرد ادوات وظيفتهم وليسوا كاأهل ليهم
لدرجة ان وزارة الشئون الاجتماعية بتضع لستة للأسماء ولا يجوز للكفلاء اختيار اسم للأولاد من خارج هذه اللستة
تخيلو حبيباتى هذا يحدث لأولادكم
انا ليا واحدة صاحبتى تراعى أولاد فى ملاجئ الايتام ولكن المشكلة انها ليست كفيلة لهم لأنها لا تملك المال الازم للكفالة وفى هذه الحالة لا يحق لها ان تحاسب أو تسأل اى شخص لأنها ليست كفيلة
مبلغ الكفالة يترواح من 200 الى300 جنيه شهريا للطفل الواحد وطبعا هذا المبلغ يختلف من دار الى دار وحسب حالة الاطفال
لو كل اسرة او اسرتين او تلات اسر أشتركوا مع بعض لكفالة طفل على ان يرعوه ماديا ومعنويا كأنه واحد من اولادهم ويعملوا حساب يوم قد يأتى لأولادهم أيضا
ولا ننسى حديث رسول الله صلى الله عليه وسلم (انا وكافل اليتيم كهاتين فى الجنة وأشار بأصبعيه السبابة والوسطى)
أخواتى الحبيبات انا اسفة لو كلامى هذا صعب عليكم بس هذا لا يجعلنا ننكر ان هذا قد يحدث لأى منا وتخيلوا السعادة اللتى تقدموها للأطفال كانكم تقدمونها لأطفالكم أنتم
أخواتى الحبيبات والله أنى أتألم كل يوم من الحكايات اللتى تحكيها صديقتى لى ودائما أنظر لأولادى وأتخيل ان صديقتى هذه تحكيلى عنهم
أرجوكم اخواتى الحبيبات ان تاخدوا الموضوع بجدية وليس مجرد حزن على هؤلاء الاطفال
يجب ان نسير خطوات ملموسة فى هذا الطريق
كفانا شفقة وحزن ودموع
أخواتى الحبيبات يعلم الله كم ترتعش يدى وهى تكتب هذه الكلام ولكن والله لو سمعتوا عما يحدث لهذا العالم الخفى من حولنا لأدركتوا ان هناك كثير من الاطفال يفتقدون الحنان.......يفتقدون الام..............كم أستيقظتى يا حبيبتى فى منتصف الليل مرات كثيرة لكى تغطى أولادك؟ هل تعتقدى ان هذا يحدث لأطفال الملاجئ؟؟؟؟؟؟؟؟؟؟؟؟؟
كم حزنتى يا حبيبتى وسارعتى الى الطبيب لمداوة طفلك بأغلى الادوية وملازمته حتى الشفاء؟ هل تعتقدى ان هذا يحدث لأطفال الملاجئ؟؟؟؟؟؟؟؟؟؟؟؟؟ تخيلى يا حبيبتى كل لمسة حنان تقدميها الى أطفالك وهناك أطفال أخرون يفتقدون هذه اللمسة وهذا الحب
أخواتى الحبيبات انا اسفة لو ان هذا الكلام ضايققن
ولى عودة تانى ان شاء الله
--------------------